甜姨姨 (荷里活廣場)

Open Now

Now Closed

⭐️黑極（海邊走走）💰128相當吸睛的刨冰，當店員準備好上菜時，好像全店的目光就放在她身上。刨冰的份量真的不小，開頭仲怕食到一半就冇晒味道，點知見到刨冰旁邊附上一小杯黑芝麻醬，係比我哋食到中段如果覺得唔夠味就可以加上去，真係夠晒細心。刨冰面層加咗豆腐奶蓋仲有黑芝麻蛋捲，配埋一齊味道真係好夾，食到中層同底層仲有花生、豆腐花同黑芝麻雪糕，真係好有誠意。每層都會有驚喜，基本上不需用到另外附加的小黑芝麻醬都已經好夠味。除咗黑芝麻刨冰外，仲配上兩件抹茶蕨餅，口感煙韌不太甜。