老鍋台式火鍋 (京都廣場) (Closed)

周潤發都嚟嘅火鍋店？喺門口見到應該係老闆同周潤發影嘅合照，可惜今次打邊爐見唔到周潤發😜疫情過後，當然要大班朋友聚下，今次我哋揀咗喺銅鑼灣嘅台式火鍋，環境好靚，天花全部都係天燈做燈飾，地方都闊落，幾好坐。打邊爐來來去去啲嘢食其實都差唔多，我最欣賞呢一間嘅湯底。老鍋秘製麻辣鍋同埋老饕酸菜白肉鍋麻辣鍋，好有台灣嘅風味，湯底有啲豆腐喺度，啲麻辣火鍋越煮越入味，越煮越辣，夠晒刺激。酸菜白肉鍋，湯底酸酸地，開胃又醒胃，平時食開酸菜魚火鍋，今次是酸菜白肉鍋，啱晒啲唔鍾意食魚，怕有魚腥味嘅朋友。本人🙌🏻必食推介鹹蛋炸魚皮上枱嘅時候，熱辣辣，啱啱炸起，鹹蛋又夠多，啲魚皮好新鮮，脆卜卜，送酒一流。