Video
Read full review
2022-10-13
651 views
《哥哥添飯．妹妹泡茶 - 觀塘》放工搭車成日經過呢間餐廳，一直都覺得個名好搞笑😂今次真係行過附近順便想食少少野，所以就名正言順試下啦🥸餐廳係做台式料理的，有主食，有小食，又有台式飲品同甜品，種類都算多元化，我同同事剛好做完野就當然搵位鼠左出去食個Tea順便收工啦😂💁🏻♀️咸蛋芋泥肉鬆刈包配紫菜汁椰菜絲沙律 $68芋泥item其實配啲咩都好食😋呢個刈包軟淋淋包住勁多綿密既芋泥，加埋肉鬆咸咸地😆又係我鍾意既又咸又甜感覺呀☺️食到尾有啲咸蛋黃碎，更加豐富左個層次，都幾特別既食法🤔椰菜絲沙律幫助解膩，食落都幾新鮮爽口，紫菜汁個味其實似係柚子醋咁，不過多左陣海藻味，出面應該比較少食到💁🏻♀️鐵板蟹籽蟹肉蛋餅拼薯條 配QQ紫芋波 $88同事個蛋餅份量都幾多，四大件加埋大量粗薯條🍟我諗佢今晚都唔洗番屋企食飯架啦😂本是同根生，蟹籽加蟹肉個味一定夾既，個蛋餅入面仲夾左沙律醬同埋少少紅酸薑，有提鮮既作用，不過唔知係咪蛋餅有汁壓住啲薯條，搞到薯條有少少淋左呢🤔不過整體都幾好食既🤓另外既QQ紫芋波有啲似炸麻薯咁，外面脆而入面煙煙韌韌咁幾好味😋💁🏻♀️桂花甘香柚子鐵觀音 $25（跟餐減$10）我地兩個女仔shar
放工搭車成日經過呢間餐廳，一直都覺得個名好搞笑😂今次真係行過附近順便想食少少野，所以就名正言順試下啦🥸餐廳係做台式料理的，有主食，有小食，又有台式飲品同甜品，種類都算多元化，我同同事剛好做完野就當然搵位鼠左出去食個Tea順便收工啦😂
💁🏻♀️咸蛋芋泥肉鬆刈包配紫菜汁椰菜絲沙律 $68
芋泥item其實配啲咩都好食😋呢個刈包軟淋淋包住勁多綿密既芋泥，加埋肉鬆咸咸地😆又係我鍾意既又咸又甜感覺呀☺️食到尾有啲咸蛋黃碎，更加豐富左個層次，都幾特別既食法🤔椰菜絲沙律幫助解膩，食落都幾新鮮爽口，紫菜汁個味其實似係柚子醋咁，不過多左陣海藻味，出面應該比較少食到
💁🏻♀️鐵板蟹籽蟹肉蛋餅拼薯條 配QQ紫芋波 $88
同事個蛋餅份量都幾多，四大件加埋大量粗薯條🍟我諗佢今晚都唔洗番屋企食飯架啦😂本是同根生，蟹籽加蟹肉個味一定夾既，個蛋餅入面仲夾左沙律醬同埋少少紅酸薑，有提鮮既作用，不過唔知係咪蛋餅有汁壓住啲薯條，搞到薯條有少少淋左呢🤔不過整體都幾好食既🤓另外既QQ紫芋波有啲似炸麻薯咁，外面脆而入面煙煙韌韌咁幾好味😋
💁🏻♀️桂花甘香柚子鐵觀音 $25（跟餐減$10）
我地兩個女仔share左一杯台式特飲試下，西柚味好出，有啲似我地平時飲既水果茶，不過佢用左鐵觀音做茶底，茶味足夠，但飲品相對比較甜，如果唔太喜歡飲太甜既記得要叫店員少甜呀😁
最後埋單大約$180左右😎同事請，我哋每人都有一粒泡芙做甜品，我果粒係朱古力味，而佢果粒係雲尼拿吉士，當飯後甜品都唔錯架
Post
