圓山台灣料理 (Closed)

今晚和契媽提早食中秋做節飯，契媽揀左呢間係尖沙咀既台灣菜 - 圓山台式料理。環境都幾舒服同埋夠大有二兩層的，第一次黎姐姐就叫我地可以揀下二人精選套餐！🔸足料老火湯的確都幾足料既清浦涼，燉湯都夠入味滋潤，唔錯！🔸亞里山桂竹筍幾野味的一道，帶小小微辣唔會太咸，第一次食桂竹筍幾清甜，口感爽滑！😋🔸台式蚵仔煎平時係夜市食，第一次係洒樓食蚵仔煎！蛋炸得金黃色，口感脆脆但沒有很大肥膩感！蚵仔份量很多，好香口又鮮味，熱騰騰食最正！🔸皮蛋豆腐肉鬆很台式的組合，豆腐好滑加左䓤及小小豉油吊味再配合肉鬆及新鮮皮蛋，個人喜歡食皮蛋呢個幾好味！不過老人家就唔敢吃太多了！🔸膽仔麵豬肉料都幾多，麵質煙韌同埋幾入味加左小小芫茜吊味，不錯呢！🔸肉燥飯契媽很喜歡台灣肉燥飯，味道剛剛好唔會太咸又味！肉燥份量夠多是肉粒黎既，口感腍身夠鮮味，好食🔸咸蛋肉餅第一次食台式肉餅，係半肥瘦豬肉黎肉味濃又夠滑，咸蛋放左係面蒸，蛋黃既香滲左入肉餅入面，好香口，不會太咸，推介😋😋我們order了二人套餐B ，這家台式料理整體及食物都有質素，不錯👍🏻