琥酌 (Closed)

成日都見到朋友係facebook食吉列牛，一直都好想知道係咩味道，今晚終於去咗太子感受下。一入到去，見到坐無虛席，我地等咗一陣位就可以入去了。我地揀咗頂級牛格斯牛吉列御膳，一上枱大約有8－9塊牛，每一塊牛都炸到外皮係金黃色，我地只需要放上爐上面煮大約20－30秒就可以拎落黎食，有三隻醬可以點，鹽燒 岩鹽 黃芥末；食落去覺得韌度岩岩好，牛味都幾好，雖然外皮係吉列皮，不過可以因為再煎熟的關係，入口唔會話好脆口，所以吉列的味道唔會搶咗牛本身的味道。明太子手羽，係雞翼入面包滿晒明太子，食落好香。另外叫咗個鰻魚飯（大盛），可以比兩個人食剛剛好，鰻魚燒得好出色，味道好濃郁，而且唔會話好肥。呢個鰻魚飯都整得幾出色。