Coti (沙咀道)

Open Now

Now Closed

週末喺荃灣嘅鬧市想搵個靜靜地嘅Cafe食個lunch嘆杯咖啡，見到呢度啲咖啡幾吸引就去試下，由愉景新城行過去大概10分鐘，由於呢間Cafe 位於荃灣嘅工廈區，週末嘅中午反而比較少人。午餐$74-$88 一份已包一杯咖啡或茶類飲品，價錢算實惠，見signature coffee 好多款都吸引，決定加$24轉咗焦糖布甸咖啡同天然蜂巢咖啡。兩款特色咖啡都唔錯，焦糖布甸咖啡飲落有雙重嘅口感，甜度適中；蜂巢咖啡賣相靚，打卡一流，飲一啖原味再加蜜糖攪拌可以品嚐到兩種味道嘅咖啡。兩款食物即叫即煮熱辣辣，忌廉汁煙三文魚意粉嘅煙三文魚份量算多，意粉軟硬適中，醬汁濃稠，調味剛好。紅酒燉牛肉甜甜地有D似韓式燘牛仔骨嘅味道，肉質夠曬淋同入味。一邊食見到有好多熟客嚟幫襯，同店員有講有笑，相信呢間Cafe 都係呢頭返工嘅人嘅熱門選擇。