FAMA (Closed)

今日去左大埔探一個好耐無見既朋友，中午三點幾已經到咗，係佢介紹下去咗呢一間cafe。 呢間cafe環境好舒服，又有特色。 有得俾你玩夾公仔機，又有得俾你玩board game，仲有漫畫同埋啲兒童讀物俾你睇，無論一家大細定係青年好友一齊聚會都完全適合。 今次我就叫咗牛魔王漢堡配番薯條，豪華炸雞籃同埋巴馬火腿十吋Pizza。先講過牛魔王漢堡配番薯條，可惜嘅係番薯賣晒變咗普通薯條，食落去就一啲都冇令到我失望，薯條非常之香脆，而且鹽嘅比例啱啱好非常之好食，另外呢間餐廳係自助形式，鍾意嘅話自己可以攞啲黑椒，茄汁，甚至辣椒仔黎點薯條都得。不過我都係果句啦佢本身已經整到啱啱好非常之好食唔需要再額外落其他嘢。而個牛魔王漢堡包亦都好好食，牛肉鮮嫩多汁，配上香濃嘅芝士同埋爽口嘅生菜，簡直令人食而忘返，想一食再食。跟住就係嗰個豪華炸雞籃，嘩驚喜之中嘅驚喜，非常之香脆，熱得來又唔會辣口，而且味道啱啱好，基本上係同朋友搶住黎食。而且款式非常之多，有雞鎚、雞軟骨、雞翼同雞塊，啱晒鍾意食唔同部位嘅人。最後就係巴馬火腿Pizza，上面嘅巴馬火腿，肉質柔軟，脂肪均勻，有一種淡淡的清新香味，非常之好食。另外佢個餅底亦