渝人碼頭 (Closed)

今日同朋友行完書展，係灣仔附近搵餐廳覓食，見到呢間充滿住中國風味裝飾既餐廳，覺得幾吸引，兼且係食麻辣火鍋既，岩晒我地口味。由於時間倘早，不用等多久就能入座了。店內提供多款火鍋醬料給客人自行調製，辣味醬料也有頗多選擇呢。我地叫左個鴛鴦湯底，分別係重慶麻辣大紅鍋同松茸鍋。麻辣湯底係牛油鍋底，重麻重辣、即係重口味啦　另外松茸湯底，店員建議我地連湯飲，真係冇介紹錯！松茸湯香氣四溢、味鮮香醇，散發著陣陣菇菌清香本地牛舌薄片，厚道恰好，油脂分佈亦均勻，非常彈牙。霸王嫩牛肉，麻辣粉鋪滿了整片牛肉，以為會好辣，但食落又唔係啵！牛肉真係好嫩滑，但辣粉遮掩住了本身的牛味。手打蝦丸/墨魚丸，鮮味彈牙，用料十足，食到微細蝦粒／墨魚粒，更添口感呢。黑毛肚/黃喉，兩者皆是麻辣火鍋必點的，好新鮮，淥10-15秒左右就食得，非常爽口。鵝腸，帶有少許肥膏，食落爽脆唔肥膩。蛋餃，蛋皮有點厚，餡肉比較少。紅糖糍粑，煎到外脆內軟，外層蘸滿黃豆粉，再淋上紅糖漿。口感煙韌，暖暖的紅糖甜漿，包著香噴噴的黃豆粉，甜香無比。