Video
Read full review
2023-11-04
58 views
同男朋友去馬灣拍拖，試下呢間充滿異國特色嘅熱沙咖啡，餐廳環境佈置用心，天花板吊滿色彩繽紛嘅土耳其燈，亦擺放左多樣土耳其特色擺設，非常有心思。食物款式方面，有多款土耳其特色主食、甜品同飲品。🍴土耳其招牌烤雞飯1/2($178)烤雞外皮微脆，雞髀同雞翼嘅肉質嫩滑，雞胸位置唔乾，調味恰到好處，另外配有酸酸甜甜既特製土耳其醬汁，幾有風味。米飯鋪喺烤雞下面，吸哂烤雞嘅肉汁同精華，味道幾香。🍴秘製雞肉烤餅($178)烤餅大大塊，包住滿滿嘅雞肉同爽口嘅蔬菜，營養均衡，配上適量嘅特製醬汁，酸甜開胃，口感同味道都幾豐富。🍴土耳其米飯布甸($68)米飯煙煙韌韌，濃稠度同甜度適中，米味香濃。🍴到手香奶昔(跟餐加$48)到手香都係第一次聽，原來係一種香草植物，餐廳自家種植，有啲似飲緊青瓜味嘅乳酪，味道清香，充滿特色，個人非常推介。🍴土耳其玫瑰花茶(跟餐加$20）玫瑰花味突出，唔會好甜，飲落幾滋潤 。🍴土耳其咖啡體驗(跟主菜加$80)店員教客人烹調土耳其咖啡，由簡單介紹土耳其咖啡既歷史，到示範煮咖啡既步驟。咖啡粉先用熱沙烘焙出最精華既咖啡油，將咖啡油倒出黎之後，再慢慢滾熱。咖啡好香烘焙味，再配上土耳其雜錦果仁軟
食物款式方面，有多款土耳其特色主食、甜品同飲品。
🍴土耳其招牌烤雞飯1/2($178)
烤雞外皮微脆，雞髀同雞翼嘅肉質嫩滑，雞胸位置唔乾，調味恰到好處，另外配有酸酸甜甜既特製土耳其醬汁，幾有風味。米飯鋪喺烤雞下面，吸哂烤雞嘅肉汁同精華，味道幾香。
🍴秘製雞肉烤餅($178)
烤餅大大塊，包住滿滿嘅雞肉同爽口嘅蔬菜，營養均衡，配上適量嘅特製醬汁，酸甜開胃，口感同味道都幾豐富。
🍴土耳其米飯布甸($68)
米飯煙煙韌韌，濃稠度同甜度適中，米味香濃。
🍴到手香奶昔(跟餐加$48)
到手香都係第一次聽，原來係一種香草植物，餐廳自家種植，有啲似飲緊青瓜味嘅乳酪，味道清香，充滿特色，個人非常推介。
🍴土耳其玫瑰花茶(跟餐加$20）
玫瑰花味突出，唔會好甜，飲落幾滋潤 。
🍴土耳其咖啡體驗(跟主菜加$80)
店員教客人烹調土耳其咖啡，由簡單介紹土耳其咖啡既歷史，到示範煮咖啡既步驟。咖啡粉先用熱沙烘焙出最精華既咖啡油，將咖啡油倒出黎之後，再慢慢滾熱。咖啡好香烘焙味，再配上土耳其雜錦果仁軟糖，味道幾夾。
除咗咖啡體驗之外，亦設有教煮土耳其菜同整土耳其燈既workshop。
餐廳更提供多種土耳其服飾、頭飾同埋首飾借俾客人試着影相，整個用餐體驗都好好。
Post
