Video
Read full review
2023-06-28
1256 views
喺日本，居酒屋係一種生活方式，係朋友聚會、聯誼、放工放鬆宣洩嘅好去處。唔單止係為咗食物美味，更加係一種輕鬆自在嘅氛圍，令人沉醉其中。今天我要向大家介紹嘅係一間位於旺角嘅新開特色居酒屋，充滿著濃濃嘅日本風情，猶如一秒飛到日本一樣！店舖名稱「捌加廿陸」，已可以透露出老闆對日本文化嘅熱情，如果大家想知點解，一定要親身前往去叫老闆解答一下！餐廳外觀裝潢吸引，推開門嘅瞬間，見到周圍貼滿各式各樣嘅日本海報，半開放式嘅廚房，可以近距離欣賞到師傅嘅手藝，而二樓以榻榻米設計，如果係多人聚餐，或者包場活動，二樓就較為寬敞舒適又私隱度高。天婦羅專門店當然以天婦羅作為主打。肉類、海鮮、蔬菜，都可以自由配搭成為定食，好似車仔麵一樣，想食多少，自己決定！定食仲可以選擇飯、烏冬或蕎麥麵（冷熱都得）跟餐嘅麵豉湯，師傅亦花心思炮製，先將龍蝦焗香，取出精華，再以慢火煲6個鐘頭！怪唔得知，我一打開個麵豉湯湯蓋，就聞到濃郁嘅龍蝦湯味。平時唔鍾意飲麵豉湯嘅我都飲到一滴不留。餐廳希望顛覆大衆對於天婦羅嘅油膩印象，師傅會依據食材特色，去除多餘水分，再沾上厚薄度適合嘅脆漿，掌握好油炸時間，有技巧地利用餘溫去蒸熟食材，令食物保留原汁原
餐廳外觀裝潢吸引，推開門嘅瞬間，見到周圍貼滿各式各樣嘅日本海報，半開放式嘅廚房，可以近距離欣賞到師傅嘅手藝，而二樓以榻榻米設計，如果係多人聚餐，或者包場活動，二樓就較為寬敞舒適又私隱度高。
天婦羅專門店當然以天婦羅作為主打。肉類、海鮮、蔬菜，都可以自由配搭成為定食，好似車仔麵一樣，想食多少，自己決定！定食仲可以選擇飯、烏冬或蕎麥麵（冷熱都得）
跟餐嘅麵豉湯，師傅亦花心思炮製，先將龍蝦焗香，取出精華，再以慢火煲6個鐘頭！怪唔得知，我一打開個麵豉湯湯蓋，就聞到濃郁嘅龍蝦湯味。平時唔鍾意飲麵豉湯嘅我都飲到一滴不留。
餐廳希望顛覆大衆對於天婦羅嘅油膩印象，師傅會依據食材特色，去除多餘水分，再沾上厚薄度適合嘅脆漿，掌握好油炸時間，有技巧地利用餘溫去蒸熟食材，令食物保留原汁原味。
多款天婦羅美食之中，我最鍾意牛肉餅、紫蘇蝦膠、鮮帶子同埋黑虎蝦。
🔸牛肉餅係師傅手打至Q彈，炸起上嚟完全唔會有粉味或太油膩嘅感覺，創新又滋味。
🔸紫蘇蝦膠係用紫蘇葉包裹蝦膠後再油炸，紫蘇葉包覆住鮮蝦，蝦肉甜美之餘亦增添獨特清香，絕佳組合。
🔸鮮帶子係大大粒嘅sashimi grade! 老闆為食客提供高質素嘅美食，真係落足本。一啖咬落去，帶子多汁又嫩滑，外脆內軟。
🔸黑虎蝦透過薄薄嘅脆漿包住，令鮮蝦保留鮮甜脆彈，食起上嚟完全唔會油膩，灑上少許岩鹽調味，更加提升鮮蝦嘅鮮味。
除咗天婦羅之外，我亦試咗餐廳嘅兩款坊間少見嘅特色小食：磯燒鮑魚同雞皮餃子。
🔹磯燒鮑魚 - 外皮酥脆，入面鮮嫩有嚼勁，濕潤又帶有一絲海洋嘅鮮味。
🔹雞皮餃子 - 炸到金黃色嘅外皮，內餡飽滿多汁，係令人忍唔住會一口接一口嘅美食。
💖值得一提嘅係老闆非常有愛心，佢為咗感謝一班為市民服務嘅醫護人員，旁邊廣華醫院嘅員工，可以有9折優惠。同時，為咗鼓勵同學們俾心機讀書，學生惠顧亦都會有9折優惠。
置身洋溢著日本風情嘅居酒屋，品嘗到廚師嘅精湛手藝，彷彿可以將所有疲勞及煩惱拋諸腦後，感受鬧市中存在嘅溫暖。
27 views
0 likes
0 comments
芝麻炸雞翼
23 views
0 likes
0 comments
雞皮餃子
24 views
0 likes
0 comments
21 views
0 likes
0 comments
炸鮮帶子及磯燒鮑魚
8 views
0 likes
0 comments
炸半熟蛋
17 views
0 likes
0 comments
炸黑虎蝦
18 views
0 likes
0 comments
Post
