Video
Read full review
2023-11-01
22 views
餐廳：Meowtini Cat cafe & Bar (旺角)地址：旺角砵蘭街215號朗晴坊7樓香港有唔少貓貓Cafe🐱，好多人都可以喺當中得到心靈上嘅滿足🥰，不過鍾意飲酒又鍾意貓貓嘅人呢？依家唔洗煩喇，因為最近旺角開咗香港首間貓貓餐廳酒吧😻——Meowtini Cat cafe & Bar @meowtini_hk ，愛貓之人從此又多一個選擇👏餐廳位於旺角朗晴坊7樓，佔地1200呎嘅場地有接近20隻貓貓陪你玩、陪你食、比你摸😽，除咗免入場費同鐘錢之餘，非繁忙時間仲唔限時任你坐。佢哋以貓貓同酒精飲品為主打，推出唔同Signature cocktails and drinks，夠特別嘅貓酒「貓奴共席 Drink With Meow」仲可以比你同貓主子一人一杯一齊飲🥂；星期一至五Lunch Set最平$88就有，而晚市亦都有Set Dinner，啱晒鍾意一個價錢就包前菜、主菜、飲品同甜品嘅人，你話吸唔吸引先😌，而嚟緊10月28至31日餐廳仲推出期間限定全日供應嘅萬聖節二人套餐($468再加一)✝️餐湯——法式雞肉清湯用咗法式煮法烹調清雞湯，隔咗油之後湯底非常清，配上烤焗過嘅菇菌同青瓜粒🥒，仲
地址：旺角砵蘭街215號朗晴坊7樓
香港有唔少貓貓Cafe🐱，好多人都可以喺當中得到心靈上嘅滿足🥰，不過鍾意飲酒又鍾意貓貓嘅人呢？依家唔洗煩喇，因為最近旺角開咗香港首間貓貓餐廳酒吧😻——Meowtini Cat cafe & Bar @meowtini_hk ，愛貓之人從此又多一個選擇👏
餐廳位於旺角朗晴坊7樓，佔地1200呎嘅場地有接近20隻貓貓陪你玩、陪你食、比你摸😽，除咗免入場費同鐘錢之餘，非繁忙時間仲唔限時任你坐。
佢哋以貓貓同酒精飲品為主打，推出唔同Signature cocktails and drinks，夠特別嘅貓酒「貓奴共席 Drink With Meow」仲可以比你同貓主子一人一杯一齊飲🥂；星期一至五Lunch Set最平$88就有，而晚市亦都有Set Dinner，啱晒鍾意一個價錢就包前菜、主菜、飲品同甜品嘅人，你話吸唔吸引先😌，而嚟緊10月28至31日餐廳仲推出期間限定全日供應嘅萬聖節二人套餐($468再加一)
✝️餐湯——法式雞肉清湯
用咗法式煮法烹調清雞湯，隔咗油之後湯底非常清，配上烤焗過嘅菇菌同青瓜粒🥒，仲有半熟流心水煮蛋🥚，加埋鹹香脆片帶嚟相當豐富嘅口感層次，幾有驚喜🎊，喺一個好嘅開始
✝️前菜——焗南瓜沙律
大大件烤焗南瓜🎃，配上香烤惹味嘅合桃同清脆豆苗🌱，底下有加咗柚子油醋汁嘅雜菜沙律🥗，整體配搭相輔相成，酸香開胃又清新嘅沙律中和咗南瓜一概俾人「滯」嘅感覺👍
✝️主食——輕煎日本帶子配南瓜忌廉飯
骷髏骨頭樣設計💀，用咗煎香過嘅爽彈日本帶子做眼睛👀，同南瓜粒粒做嘴巴👄，
圓形嘅面就喺南瓜洋蔥忌廉飯，Creamy得嚟唔會太膩，另外有4片超香脆鹹香煙肉整成交叉🥓，同埋菠菜蓉畫咗「RIP」三隻英文字，賣相非常趣緻😆
✝️主食——墨汁青口意粉
用咗墨汁加調味炒香意大利粉同青口🍝，雖然整體味道偏鹹，
不過兩個人每人食一啖，依起棚牙見到大家黑孖孖嘅牙齒同嘴唇，都忍唔住放膽大笑🤣，唔知你又敢唔敢用自己個口成為墨汁嘅藝術品呢🦑？
✝️甜品——雲呢拿雪糕
用雲呢拿雪糕同藍莓模仿眼珠造型👁️，再用粉紅色嘅忌廉模仿四淺嘅血跡🩸，呢個甜品真喺入形入格👏，唔打卡都對唔住自己📸
本身餐飲跟兩杯Cocktail🍸，不過唔想飲酒精飲品所以叫咗杯意式鮮奶咖啡同山政小山園 式部之昔，前者有深烘焙濃郁嘅咖啡豆香☕️；
後者喺山政小山園薄茶入面最上品嘅靚茶粉，飲落除咗有陣陣抹茶香氣仲帶有少少回甘甜香🍵。配埋紅眼小貓同埋心心拉花就夠晒睇頭😌Post
