鴻圖樓

Open Now

Now Closed

之前經過觀塘鴻圖道見到一棟好搶眼既餐廳酒家【鴻圖樓】，所以今次就吸引左我去試。酒樓主打海鮮同特色家鄉小菜，今次就叫左4樣菜色試下。咸豬骨芥菜煲：豬骨煲熬出嘅高湯鹹香濃郁，同芥菜嘅清新苦香相互融合，帶出一種特別嘅風味。另外湯底加入左胡椒同微辣，令食材同豬骨湯嘅鮮甜更顯突出。紅蔥頭橄欖角排骨煲：非常新鮮熱辣，排骨煲煮後，肉質鮮嫩多汁，同紅蔥頭同橄欖角嘅獨特風味結合，使得整道菜更加豐富。紅蔥頭有香甜口感，煮熟後散發出濃郁香氣，為菜餚帶來特殊嘅味道。橄欖角則帶嚟微酸風味，增添一絲清新感。梅菜蝦乾蒸茄子：茄子蒸熟後變得軟滑多汁，同梅菜同蝦乾嘅組合，帶出豐富嘅鮮味。梅菜鹹香同茄子嘅甜味相互融合，帶來獨特嘅滋味。蝦乾則提供濃郁嘅海鮮風味，增添菜餚嘅層次感。三色蝦球：沙律醬配芒果（黃色）、wasabi（綠色）、士多啤梨（橙色）調味。蝦球大隻彈牙，外面輕炸過麵衣，再裹上沙律醬，非常鮮美。