黑木亭-お食事処 (玉成大廈) (Closed)

難得放假 今日就約咗朋友入元朗行下👭🏻 夜晚嘅時候我哋就去咗黑木亭食日本料理☺️☺️因為我哋都係好鍾意食生蠔嘅！所以我哋就每人點咗一隻試下🥰🥰omg 估唔到佢嘅生蠔🦪咁大隻，同我既手掌差唔多大哈哈 有小小海味但好鮮 好飽滿 入口既感覺好正 下次再黎一定會encore!! 因為自己都比較鍾意食呢一款生蠔🦪 我見到佢地有夏日特色menu, 竟然有和牛pizza,都幾fusion菜 幾新穎 所以我哋就點左一份試吓😏😏😏 我好鍾意一點係佢哋唔係厚底pizza ，係比較軟身既酥皮 唔會好硬 加分！ 和牛亦都增加咗pizza嘅口感 令佢嘅味道更加豐富佢哋既鐵板燒海鰻簡直可以滿足晒所有鰻魚Lover 超大塊超好食 因為一直燒緊 所以每一次夾都係熱辣辣好juicy 店只亦都推介左佢哋嘅海膽帶子壽司 估唔到係每一舊都有大大件帶子！無論係帶子定係海膽都好新鮮 食完好滿足❤️❤️想介紹吓佢哋嘅特色嘢飲🍹因為真係好可愛 每一杯都有小熊公仔🧸喺上面 亦都好好飲 🙌🏻🙌🏻🙌🏻