Video
Read full review
2021-06-10
1048 views
經過見到唔使等位即管入去試吓，呢個麵館開咗一段時間都冇食過，就咁睇店舖個面積唔係好大，所以座位都有一啲窄，大約可以坐10多20人左右！ 不過環境都算乾淨，而待應姐姐都好熱誠招待！腩肉手工麵： 呢一個係手工粗麵，質感幾實淨，爽口彈牙，係自己比較喜歡食嘅類型，所以我覺得呢個手工麵都幾好食呢個肉碎略為有一啲鹹，但係個腩肉冇想像中咁肥，以為比較鞋，但食落個味都唔錯，有少少辣 幾嘢味，肉質比較香口好有口感，未去到好滑，但唔係鞋口。另外仲加咗個豬腸，夠晒淋滑。豬軟骨手工面： 炆得十分之淋，味道亦都夠濃郁，個軟骨真係可以慢慢去咬，肉質都夠嫩。牛展手工麵：呢個味道比較清淡，牛味都比較香濃，肉質都係爽爽地。胡椒豬肚雞：聞落去係有胡椒味，但食落我覺得可以再濃一啲，不過餸菜個配料都幾充足，雞就比較鞋口少少，但個豬肚係OK的，幾爽滑。總結：佢嘅手工麵做得唔錯，爽滑彈牙，配麵的餸基本上都OK， 唯獨是飲品，真係好一般！
不過環境都算乾淨，而待應姐姐都好熱誠招待！
腩肉手工麵： 呢一個係手工粗麵，質感幾實淨，爽口彈牙，係自己比較喜歡食嘅類型，所以我覺得呢個手工麵都幾好食
呢個肉碎略為有一啲鹹，但係個腩肉冇想像中咁肥，以為比較鞋，但食落個味都唔錯，有少少辣 幾嘢味，肉質比較香口好有口感，未去到好滑，但唔係鞋口。
另外仲加咗個豬腸，夠晒淋滑。
豬軟骨手工面： 炆得十分之淋，味道亦都夠濃郁，個軟骨真係可以慢慢去咬，肉質都夠嫩。
牛展手工麵：呢個味道比較清淡，牛味都比較香濃，肉質都係爽爽地。
胡椒豬肚雞：聞落去係有胡椒味，但食落我覺得可以再濃一啲，不過餸菜個配料都幾充足，雞就比較鞋口少少，但個豬肚係OK的，幾爽滑。
總結：佢嘅手工麵做得唔錯，爽滑彈牙，配麵的餸基本上都OK， 唯獨是飲品，真係好一般！
Post
