鳳鳴石磨腸粉 (Closed)

近呢一兩年開始流行潮州皺皮腸粉，今日我就食左呢間就覺得唔錯😋。 呢度有唔同配搭既腸粉，五花八門，店員就推介呢款比我。呢度既米漿都係由石磨磨製，所以腸粉非常幼滑。雖然米香唔係好突出，但食材味道同調味唔錯。呢度既腸粉全部即叫即造，保持到食材本身味道。調味採用自家制豉油，麻油，芫萎，炸蒜同芝麻。腸粉一放入口，已經好香蛋味同豬肉鮮甜味，之後有一道淡淡既豉油甜味，緊接係炸蒜同芫萎既香味，慢慢充滿成個口腔。唔夠喉既朋友可以加埋辣椒，會更加香🥰。 $22 一份咁大份腸粉，真好又抵又好食，大家可以去試下。