王林記潮州魚蛋粉麵

Open Now

Now Closed

作為大西北人山長水遠去鶴咀行山，行山之前要經筲箕灣搭車，順便就去食個出名嘅魚蛋粉牛腩撈粗。要左魚片蛋撈粗($48)食落好有咬口，冇乜鹼水味，有咬口到要咬多兩三啖先可以咬得碎。呢個麵真係比較有特色，味道比普通豉油撈麵更加有特色。黎到不妨試下。另外佢嘅辣醬都幾有特色，用黎吊味層次豐富左好多。魚蛋魚味幾香，同街邊貨色真係有分別。彈牙就唔算特別彈牙嘅，手打魚蛋嘅我expect再有咬口啲。湯底偏咸，層次比較單一。另外要左佢最出名嘅切腩撈粗($55)牛腩牛味香濃，份量就唔係太多，但夠軟淋入味。加左個牛筋丸但味道正常，冇咩特别。