茶餐廳2.0 (Closed)

成日都會去大埔出入，都知大埔好多嘢食。 今次諗住快快手食茶餐廳， 見到呢度新開格局光猛就入咗去試下。叫咗個海鮮炒意粉，冇諗過佢會有個貝殼裝飾。 佢啲海鮮真係好足料，見到成點都係海鮮有青口，有帶子，有蝦。食落啲海鮮冇雪味，亦都唔會太鹹，覺得唔錯可以再叫。另外仲叫咗一個牛柳配薯菜， 啲牛肉好有牛味， 如果可以再煮淋啲就更好。我最欣賞嘅係佢茄汁就一兜比埋你，唔使額外再問佢攞。 啲薯角食落好新鮮好脆，而且好粗碌食落有質感。 整體感覺比起平時茶餐廳好有分別，因為呢度好光猛環境亦都唔會好嘈雜。