和幸日本燒肉料理 (Closed)

上網見到有團購 $68五份燒肉一共有十樣野食 好似幾抵食 位置又方便 就買左兩張同友人去試book左閒日晏晝十二點半 間餐廳好大 人唔算太多 安排左坐一個四人卡位一坐低待應同我地介紹多一次個餐 過一陣喲野食就離啦第一樣就離左帆立貝 係用清酒牛油燒 放左落爐一陣就聞到陣味 燒左好耐先熟 唔錯 幾有鮮味 牛油味好香之後就全部上哂蟹籽沙律: 蟹籽好多 加埋喲日式醫汁好開胃牛小排: 有六塊 喲坑紋好吸引 好快燒熟 肉味濃厚黑豚肉: 夠曬厚 但只得三塊 同埋脂肪太多 差唔多大半塊都係肥雞腿肉: 麵鼓味幾惹味 肉質幾嫩滑和牛刺身: 好薄 一夾就斷 無咩味 上面有一層白松露 都係無咩味隨餐仲有一碗麵鼓湯 一碗白飯 一份芝麻豆腐豆腐幾重芝麻味 好開胃 仲有唔夠飯可以添加 唔駛額外加錢 甜品: 係兩粒糯米糰加左提子乾同玉米脆 糯米糰好甜 仲加埋朱古力醫 甜上加甜 凍凍地 正好滋潤番喉嚨總括而言 以七十多元的價錢是很吸引的 可以一次過嘗盡不同燒肉 又可以享受日式定食份量完全足夠 如果有同類型團購會再來