居酒屋·姫 (Closed)

尖沙咀不嬲都多嘢食，放工想同同事食日本嘢過happy friday，咁啱經過見到呢間居酒屋，俾日式風格嘅招牌同裝修吸引咗，所以決定入去試試！😍紐西蘭牛柳呢款串燒香味十足，而且好嫩，肉汁完全鎖喺入面，啲醬汁令牛柳更加入味，同埋一串嘅份量好大，包保可以啖啖肉食得滿足！天婦羅大蝦卷(六至八吋虎蝦)上菜嘅時候已經俾個擺盤吸引咗，非常日式而且打卡able，有大大隻虎蝦尾喺到，蝦肉仲要佔咗每件壽司內餡嘅一半！絕對係真材實料～食嘅時候覺得好新鮮，因為內餡有幾款食材，同虎蝦好夾，同埋珍珠米粒粒分明，超好食！