Video
Read full review
2024-08-20
1145 views
日式居酒屋不外乎都係食串燒、天婦羅、壽司，最近比我搵到間好有特色，獨樹一幟嘅居酒屋－高知駅👏🏻佢哋係香港唯一同日本四國高知縣有聯繫嘅居酒屋，有日本師傅在場，用大量日本在地食材炮製高知縣料理，好似用稻草燒嘅鰹魚半敲燒🔥鐵板芝士炒蛋🍳等。地道居酒屋料理吸引日本人都嚟食😎加上呢度供應清酒放題，大家飲多幾杯之後情緒高漲🤣真係好似飛到日本一樣，氣氛一流🥳🍶清酒任飲放題 男士$168、女士$98，可於2小時任飲4款清酒😚有越後櫻純米大吟釀、一白水成等，可以自己出去斟。另外可以單點其他品牌清酒、梅酒、啤酒等🍻🧆漬物盛合有核桃拌小女子，小女子即玉筋魚，鹹鹹甜甜幾惹味😛🥗粒粒柚子沙律份量十足，有唔少新鮮魚生粒，加上柚子汁好開胃😙🍳明太子鐵板芝士炒蛋招牌菜式之一，店員即場係客人面前用鐵板炒蛋🔥見到拉絲芝士加上蛋漿係鐵板上滋滋聲咁好吸引😍芝士味香濃😙🍣刺身4點（鰹魚半敲燒、縞鰺、伊佐木，鯛魚海膽）鰹魚半敲燒係另一必試菜式，為高知縣特色料理👏🏻師傅即場表演火焰燒鰹魚，用稻草將原條鰹魚燒至半生熟，未食先震撼眼球🤓鰹魚厚切，充滿煙燻香氣，搭配生蒜同蔥一齊食😋縞鰺即深海池魚，仲有伊佐木都好新鮮。鯛魚包住甘甜海膽，鮮
🍶清酒任飲放題
男士$168、女士$98，可於2小時任飲4款清酒😚有越後櫻純米大吟釀、一白水成等，可以自己出去斟。另外可以單點其他品牌清酒、梅酒、啤酒等🍻
🧆漬物盛合
有核桃拌小女子，小女子即玉筋魚，鹹鹹甜甜幾惹味😛
🥗粒粒柚子沙律
份量十足，有唔少新鮮魚生粒，加上柚子汁好開胃😙
🍳明太子鐵板芝士炒蛋
招牌菜式之一，店員即場係客人面前用鐵板炒蛋🔥見到拉絲芝士加上蛋漿係鐵板上滋滋聲咁好吸引😍芝士味香濃😙
🍣刺身4點（鰹魚半敲燒、縞鰺、伊佐木，鯛魚海膽）
鰹魚半敲燒係另一必試菜式，為高知縣特色料理👏🏻師傅即場表演火焰燒鰹魚，用稻草將原條鰹魚燒至半生熟，未食先震撼眼球🤓鰹魚厚切，充滿煙燻香氣，搭配生蒜同蔥一齊食😋縞鰺即深海池魚，仲有伊佐木都好新鮮。鯛魚包住甘甜海膽，鮮味加乘😋😋
🍢煙燻芝士牛舌
免治雞肉棒就食得多，呢個就特別啲，用免治雞肉混合牛舌粒，面頭鋪上輕井澤芝士🧀食落口感脆脆地之餘仲帶點爽口，加上芝士嘅鹹香，幾惹味😋
🥓京都九條蔥豚肉卷串
九條蔥係日本較具代表性嘅蔥品種，主要係京都種植，口感比一般蔥更爽脆😚豚肉燒到逼晒油份出嚟，唔會油膩，蔥段帶辛辣感，比較香口😻
🌽燒京都絹豆腐、芝士年糕、燒日本白玉粟米
豆腐超滑溜，醬汁鹹鹹香香幾好食😋芝士年糕放上海苔碎，海苔味加上芝士味幾特別🤪粟米
顏色較白，幾爽口，不過燒得過火咗啲啲。
🍠鹿兒島產金時芋天婦羅
金時芋係番薯品種，特別粉糯香甜，做成外脆內粉嘅天婦羅就啱哂😚
🍈高知一果相伝蜜瓜雪葩伴抹茶蕨餅
蜜瓜來自高知縣，店家特別向廠商訂造呢款蜜瓜雪葩，全港可能只有呢度有😎蜜瓜味超清甜，無添加，好解膩🥳另外仲有抹茶蕨餅，冰涼煙韌。
人均消費：$640
推介指數（10分為滿分）：8分
Post
