茶屋町 (長沙灣道) (Closed)

今日嘅願望係食蟹肉，雪糕，甜品，嚟咗深水埗嘅呢一間日式小店就可以一次過滿足晒三個願望。我叫咗一個期間限定嘅蟹膏三文魚子丼，食蟹有乜好得過唔使自己剝殼，有大片大片嘅蟹膏同埋蟹肉撈飯。小店亦都唔吝嗇佢嘅三文魚子，每一啖飯都可以食到蟹膏蟹肉同三文魚子。有蘿蔔做前菜，亦都有麵豉湯，連麵豉湯都有蟹肉。在叫左個水信玄餅，好鍾意個英文名，叫Raindrop Cake，好有詩意。甜品重頭戲係茶屋宇治金時，睇到都開心，食埋更加滿足。仔細欣賞下小店嘅設計，其實係非常之有心思，睇得出老闆好鍾意日本，海報，裝修，佈置都非常細緻。