拿督星馬大飯店 (Closed)

久仰大名嘅拿督星馬大飯店，菜式好特別，好多都出名，例如咖喱飯，胡椒湯粉等，但兩個人得兩個肚，食咗其中兩款試試✨✥ 肉骨茶配白飯及油條 (星期三限定)限定星期三先有‼️ 我哋好好彩咁啱可以試下唔知正唔正宗，但係我哋食過最多料嘅肉骨茶佢唔係一般排骨煮成嘅肉骨茶，而係有豬手，豬潤，豬心，粉腸…🔥附有一小碟黑醬油點湯料食，仲有香脆嘅油炸鬼可以點肉骨茶食。咁多料個肉骨茶較似中式湯水，帶有小小辣味，非常特別✥ 黑豉油乾撈麵 (怡保炆大細腳) 超邪惡嘅撈粗，黑豉油好香濃，不過真係好多油🤣 一定勁肥，大細腳係指豬手同雞腳，鹵水汁非常入味，豬手同雞腳都炆得好淋✥ 凍星加坡白咖啡意外地唔太甜✥ 馬拉鮮桔仔冰桔仔冰味道清新，幾特別