L'attitude (Closed)

鍾意去下啲特式既餐廳，朋友介紹所以就訂檯黎試下。一坐低店員就擺低個特別既水杯，好有心思佈置既餐廳，啲燈係棉花糖咁既樣，亦擺左好多公仔，環境舒適。對於鍾意食海鮮既我，呢個蟹膏帶子海膽伴飯真係不得了，好足料～ 粒帶子煎得好靚好香，啲海膽、蟹子、魚子同蟹膏都好新鮮，推薦俾鍾意食海鮮既朋友👍🏻👍🏻另外都有叫一款棉花糖包住鵝肝既小食，幾特別，味道就不過不失。仲有個帶子羽衣甘藍意大利麵，啲意粉汁煮得好香，好夾個意粉，羽衣甘藍夠新鮮，帶子煎得岩岩好，擺碟幾靚，而份量都夠。