Video
Read full review
2022-02-22
403 views
第一次寫食評，因為想支持下呢間小店，真心食評。有次經過門口見幾有特色入去試下，當日星期日，有兩個女仔唱歌添。唱幾幾好，好投入。叫咗臘味飯同荷葉飯(唔記得影相)，真心好食，足料，腦腸臘肉切粒好入味，本身係個set有埋一個細湯同蘿蔔糕，味道啱啱好，幾有特色。荷葉飯我老公食，勁大個，亦都好香！隔咗幾日encore 幫襯，試咗佢個外賣焗豬扒飯同咸牛肉蛋三文治，連個外賣盒都係高質，分兩層，飯同豬扒分開上下格，外賣盒膠是高質，真係唔捨得掉。好夠蕃茄味，豬扒亦都好淋，大大塊無骨。咸牛肉三文治厚切，味道不會太咸，重有薯片伴碟。隔咗一兩個星期，幫襯咗兩次下午茶(終於記得影相)，奶黃西多士勁厚身，鉄板上大大件，奶黃好特別，另外配多個煉奶俾你，沙律菜伴碟！ 正！ 另一份是誰是雞脾(瑞士雞脾)，即叫即製，講明要等十分鐘左右，嘩，勁大隻，好入味，一個女仔真係食唔哂。睇吓張相你地就知！ 好juicy，熱辣辣！ 另外我加多個咖哩三寶，有豬皮，籮白同魚蛋。咖哩味有驚喜好香，不會死辣，蘿白好林，亦都幾大件，魚蛋正常，雖然價錢少少貴，但我覺得個咖哩加分。店員服務好好，又俾咗啲曲奇餅我地試，我食完都買唔4小罐仔，咸蛋黃曲奇
有次經過門口見幾有特色入去試下，當日星期日，有兩個女仔唱歌添。唱幾幾好，好投入。
叫咗臘味飯同荷葉飯(唔記得影相)，真心好食，足料，腦腸臘肉切粒好入味，本身係個set有埋一個細湯同蘿蔔糕，味道啱啱好，幾有特色。荷葉飯我老公食，勁大個，亦都好香！
隔咗幾日encore 幫襯，試咗佢個外賣焗豬扒飯同咸牛肉蛋三文治，連個外賣盒都係高質，分兩層，飯同豬扒分開上下格，外賣盒膠是高質，真係唔捨得掉。好夠蕃茄味，豬扒亦都好淋，大大塊無骨。咸牛肉三文治厚切，味道不會太咸，重有薯片伴碟。
隔咗一兩個星期，幫襯咗兩次下午茶(終於記得影相)，奶黃西多士勁厚身，鉄板上大大件，奶黃好特別，另外配多個煉奶俾你，沙律菜伴碟！ 正！ 另一份是誰是雞脾(瑞士雞脾)，即叫即製，講明要等十分鐘左右，嘩，勁大隻，好入味，一個女仔真係食唔哂。睇吓張相你地就知！ 好juicy，熱辣辣！
另外我加多個咖哩三寶，有豬皮，籮白同魚蛋。咖哩味有驚喜好香，不會死辣，蘿白好林，亦都幾大件，魚蛋正常，雖然價錢少少貴，但我覺得個咖哩加分。
店員服務好好，又俾咗啲曲奇餅我地試，我食完都買唔4小罐仔，咸蛋黃曲奇好得意，阿華田都好味，重有薑醋味曲奇，大家可以去試下。
在呢個疫情下好想多點支持一下小店，位置雖然不是旺區，但真心覺得好食，加油呀！我會再黎幫襯。
Post
