Video
Read full review
2019-09-23
2020 views
之前好想搵間光猛舒服嘅cafe 坐下，知道觀塘有唔少值得香港人幫襯嘅cafe就過黎試下。一出𨋢就見到佢地個牌，一定無來錯。我地12點黎到，岩岩好舖頭開門，因為佢地除咗係間cafe 之外仲係間木家私舖，同時都係間木制品workshop，襯成間舖頭都無乜人嘅時間影下相先，向窗果邊真係好光猛，不過再晏啲就會曬到，有好有唔好啦。做工藝嘅舖頭連menu 都有心做啲，有埋圖案係上面，排版都睇得好舒服。等野食嘅號碼牌都係用心去做。食物方面點咗煙三文魚藜麥番薯餅配牛油果醬($68)同蕃茄羅勒ricotta 扁意粉($128)，仲加咗杯latte (+$28)。煙三文魚藜麥番薯餅擺盤好精緻，影靚相好啱，唔好睇佢好細份得3件咁，其實藜麥同番薯本身都係纖維多同飽肚嘅食材，亦未食過咁樣配搭嘅菜式，食落好有新鮮感，口感方面幾有咬口，而且幾香甜，幾好。蕃茄羅勒ricotta 扁意粉上面有啲ricotta 芝士(不過張相影唔到)，蕃茄味真係好濃，而且食到有堅果同羅勒嘅香味，意粉咬口亦都非常好，ricotta 配蕃茄同意粉真係幾時都咁夾，唯獨咁啱翡翠苗纖維比較粗，有啲格格不入。Latte 沖得唔錯，有啲舖頭會沖到得奶
一出𨋢就見到佢地個牌，一定無來錯。
我地12點黎到，岩岩好舖頭開門，因為佢地除咗係間cafe 之外仲係間木家私舖，同時都係間木制品workshop，襯成間舖頭都無乜人嘅時間影下相先，向窗果邊真係好光猛，不過再晏啲就會曬到，有好有唔好啦。
做工藝嘅舖頭連menu 都有心做啲，有埋圖案係上面，排版都睇得好舒服。等野食嘅號碼牌都係用心去做。
食物方面點咗煙三文魚藜麥番薯餅配牛油果醬($68)同蕃茄羅勒ricotta 扁意粉($128)，仲加咗杯latte (+$28)。
煙三文魚藜麥番薯餅擺盤好精緻，影靚相好啱，唔好睇佢好細份得3件咁，其實藜麥同番薯本身都係纖維多同飽肚嘅食材，亦未食過咁樣配搭嘅菜式，食落好有新鮮感，口感方面幾有咬口，而且幾香甜，幾好。
蕃茄羅勒ricotta 扁意粉上面有啲ricotta 芝士(不過張相影唔到)，蕃茄味真係好濃，而且食到有堅果同羅勒嘅香味，意粉咬口亦都非常好，ricotta 配蕃茄同意粉真係幾時都咁夾，唯獨咁啱翡翠苗纖維比較粗，有啲格格不入。
Latte 沖得唔錯，有啲舖頭會沖到得奶味好少espresso 味，呢度應該係用咗深炒啲豆，creama 都比較深色，所以latte 本身都比較奶多嘅奶啡都飲到好香濃嘅啡味唔錯。
仲有另一樣好重要嘅，舖頭會有隻長毛黑貓，但佢應該比較怕生保人，所以都係遠遠咁望住，行近啲就會走開，多人啲嘅時間會唔見埋添，但佢實在好靚，好難唔幫佢影返啲相。
Post
