壺 (大王東街)

Open Now

Now Closed

不久前灣仔開咗全港首間以果凍為基底嘅台式茶飲店，今日同朋友經過第一時間要一齊試吓。店舖以藍光配合工業風嘅裝潢，左右兩邊各設有一排座位，可以俾客人邊傾邊飲稍作歇息非常貼心。全店飲品分為七個系列，包括鮮奶系列、純茶系列、奶茶系列、咖啡系列、芝芝奶蓋系列、拿鐵系列及乾果茶系列。不同系列可以追加特定配料，包括：珍珠、仙草、芋圓等。而招牌自家手工製的果凍選擇很多：桃花紅茶凍、茉莉綠茶凍、咖啡凍，仲有健康之選嘅杏仁凍同豆漿凍，搭配近30款獨特的茶飲。我哋揀咗黑糖珍珠鮮奶同金吉檸檬金萱（追加茉莉綠茶凍）。黑糖珍珠鮮奶，珍珠有咬口又唔會過甜；金萱茶底香濃又唔會有苦澀味，配上茉莉茶凍的花香，兩者非常夾之餘又唔會搶走各自嘅味道。