大澳德發 (Closed)

聽到大澳德發呢個名都估到應該同水上人家菜有關。喺地鐵站行2分鐘就到。店內裝修都好闊落，非常適合四個人一齊share小菜。除咗裝修同埋位置吸引之外，最重要係食物都非常有質素。🌟沙爹銀絲中蝦煲 $138超級足料，超過七隻中蝦喺入面。雖然沙爹味濃，但蝦嘅鮮味都仲保持到。送飯真係一流。🌟菠蘿拔絲咕嚕肉 $88味道真係好開胃，熱辣辣上枱，咕嚕肉好脆口好juicy。🌟椒鹽九肚魚 $88炸嘢最緊要夠熱，呢道每道菜式都即叫即做即上枱。九肚魚炸到外脆內軟，滿分之作。🌟金銀蛋泡時蔬 $68食咁多熱氣嘢，有金銀蛋時蔬就啱晒下火。揀咗唐生菜，d菜夠晒新鮮爽口。