Video
Read full review
2018-06-22
251 views
荃灣區近消防局有間靚餐廳，裝修一流，來食飯、飲嘢都係個好選擇。好鐘意佢個餐牌，十幾吋木框，好似睇緊 iPad咁，字體又夠大夠清晰，意、法、美、西班牙菜式都有，食 set 又得，散叫亦可，再唔係反轉個餐牌，揀小食都得。另備有Drink list，各類餐酒、 soft drink 應有盡有。諗咗一陣，兩個人如果食兩個 sets 驚食唔晒做大嘥鬼，所以都係決定食一個 set，加一份【凱撒沙律】、一客【水牛城雞翼配藍芝士醬】、一杯 Cappuccino，就應該啱啱好。呢度嘅招呼好好，時不時都會主動來加水，又有禮貌。上菜會係慢慢上，唔會一次過隊晒所有嘢上嚟，食唔切就攤凍晒。前菜、餐湯係一齊上，揀咗【帝王蟹餅配蛋黃芥末醬】和【南瓜忌廉湯】。賣相好靚啊! 酒店級水準!南瓜忌廉湯好滑，南瓜味好香。將麵包浸湯來食又得。蟹餅外皮好香脆，裡面就好多蟹肉，加埋蟹籽和芥末醬一齊食，味道進一步提升。【水牛城雞翼配藍芝士醬】有6隻，特色係用咗牛油紙盛著，而牛油紙係印到好似報紙咁。伴碟的有西芹條，點些藍芝士醬食就無得頂。食雞翼要小心，因為上到嚟仲係超熱，要攤一陣先至拎嚟食，點些辣醬就仲正。凱撒沙律都幾大份， 同樣係用
好鐘意佢個餐牌，十幾吋木框，好似睇緊 iPad咁，字體又夠大夠清晰，意、法、美、西班牙菜式都有，食 set 又得，散叫亦可，再唔係反轉個餐牌，揀小食都得。
另備有Drink list，各類餐酒、 soft drink 應有盡有。
諗咗一陣，兩個人如果食兩個 sets 驚食唔晒做大嘥鬼，所以都係決定食一個 set，加一份【凱撒沙律】、一客【水牛城雞翼配藍芝士醬】、一杯 Cappuccino，就應該啱啱好。
呢度嘅招呼好好，時不時都會主動來加水，又有禮貌。上菜會係慢慢上，唔會一次過隊晒所有嘢上嚟，食唔切就攤凍晒。
前菜、餐湯係一齊上，揀咗【帝王蟹餅配蛋黃芥末醬】和【南瓜忌廉湯】。賣相好靚啊! 酒店級水準!
南瓜忌廉湯好滑，南瓜味好香。將麵包浸湯來食又得。
蟹餅外皮好香脆，裡面就好多蟹肉，加埋蟹籽和芥末醬一齊食，味道進一步提升。
【水牛城雞翼配藍芝士醬】有6隻，特色係用咗牛油紙盛著，而牛油紙係印到好似報紙咁。
伴碟的有西芹條，點些藍芝士醬食就無得頂。
食雞翼要小心，因為上到嚟仲係超熱，要攤一陣先至拎嚟食，點些辣醬就仲正。
凱撒沙律都幾大份， 同樣係用 “報紙”墊住，好盞鬼。
有好多煙肉粒和芝士粉，有點邪惡，but I like it.
主菜揀咗法式紙包鱸魚。
法式紙包鱸魚
24 views
0 likes
0 comments
選用鱸魚腩，多肉少骨。用紙包住來焗，確有特色。
魚肉嫩滑又有香味。睇真啲，原來有香草放埋入去一齊焗。唔怪得之啦……
【椰子奶凍】個樣好鬼靚，真似酒店出品。椰子味好出，又夠滑，好好味。
歎埋杯 Cappuccino 就心滿意足。
都話架啦，呢個份量就啱啱好。環境好，服務好，食物又好，值得推介！
Post
