Video
Read full review
2023-06-18
351 views
香港首間以泰式豬肉烤鍋Mookata做主打既餐廳🇹🇭 Mookata 係泰式地道既食法, 鍋既兩邊會放湯底, 中間突起既部分烤肉😋 呢度有唔同既肉類, 小食, 大量特色飲品可以選擇, 醬料方面都幾特別嫁😇泰國烤鍋🥘($298)美國安格斯牛肉及豬肉拼盤 (250g)美國手切穀飼封門柳, 美國安格斯下肩胛翼板肉, 伊比利亞黑毛豬梅花肉, 波蘭 A 級無骨豬腩咁多款肉好豐富, 肉質好都好腍身, 燒同淥都同樣出色😌小火山牛骨船湯採用牛骨熬製 5小時以上, 加入十幾種香料藥材調製而成, 特登調配成火鍋版本, 啱曬各位牛魔王, 味道令我諗起係泰國食既船麵湯底, 都係偏甜既湯底, 但係真係好好飲😋香茅椰汁雞湯以鮮雞熬製 3 小時, 配搭加上椰汁同泰國青檸, 奶香柔清, 香濃不膩, 椰子味好濃同香甜, 忍唔住飲左好多啖😂美國安格斯牛小排(100g)🥩($138)牛小排雪花均勻燒既時候滲出微微既油脂, 點醬汁食簡直係一流🤭金邊粉🍜($22)將金邊粉分別放落兩個湯底煮一陣就食得, 牛骨湯果邊有食船麵既感覺, 椰子雞湯果邊相對比較”杰”, 所以每一條金邊粉都掛滿椰子雞湯😍醬汁🫙亞萊蒜沾醬, 羅望子沾醬, 泰
香港首間以泰式豬肉烤鍋Mookata做主打既餐廳🇹🇭 Mookata 係泰式地道既食法, 鍋既兩邊會放湯底, 中間突起既部分烤肉😋 呢度有唔同既肉類, 小食, 大量特色飲品可以選擇, 醬料方面都幾特別嫁😇
泰國烤鍋🥘($298)
美國安格斯牛肉及豬肉拼盤 (250g)
美國手切穀飼封門柳, 美國安格斯下肩胛翼板肉, 伊比利亞黑毛豬梅花肉, 波蘭 A 級無骨豬腩咁多款肉好豐富, 肉質好都好腍身, 燒同淥都同樣出色😌
小火山牛骨船湯
採用牛骨熬製 5小時以上, 加入十幾種香料藥材調製而成, 特登調配成火鍋版本, 啱曬各位牛魔王, 味道令我諗起係泰國食既船麵湯底, 都係偏甜既湯底, 但係真係好好飲😋
香茅椰汁雞湯
以鮮雞熬製 3 小時, 配搭加上椰汁同泰國青檸, 奶香柔清, 香濃不膩, 椰子味好濃同香甜, 忍唔住飲左好多啖😂
美國安格斯牛小排(100g)🥩($138)
牛小排雪花均勻燒既時候滲出微微既油脂, 點醬汁食簡直係一流🤭
金邊粉🍜($22)
將金邊粉分別放落兩個湯底煮一陣就食得, 牛骨湯果邊有食船麵既感覺, 椰子雞湯果邊相對比較”杰”, 所以每一條金邊粉都掛滿椰子雞湯😍
醬汁🫙
亞萊蒜沾醬, 羅望子沾醬, 泰式海鮮沾醬, 個人最鐘意尾果款, 配肉食酸酸辣辣好惹味🤤
泰式芭拉魚露拌木瓜沙律🥗($58)
爽脆既木瓜絲配上泰國東北菜既靈魂”巴拉魚露”食落酸酸地幾開胃😚
小火山小食拼盤🍢($88)
泰式腐皮雞卷, 手工酥炸東北豬肉丸, 泰式發酵豬肉腸, 手工泰式炸粟米餅幾款出面比較少見既小食每款都各有特色, 最特別莫過就於加左魚露既豬肉腸, 食落酸酸甜甜幾好食🤤
泰國生啤🍺($58)
燒肉配啤酒絕對係必勝組合🤓
呢度既食物的確係比較特別, 湯底真係超級正, 每日仲會有唔同既駐場歌手唱live添😎
Post
