南洋家 (希雲街) (Closed)

Lunch同朋友出去食飯，唔知食乜好😂行下行下經過呢間餐廳，唔算十分多人，一於就食呢間😂 呢間餐廳係一間小店，舖面唔大，裝修都幾有特色。 朋友嗌咗「黑面神」，我就嗌咗海南雞飯配箭葉果飯。 黑面神先到，其實係醬油炒麵，麵質好特別，腍腍哋，有啲似米線。好夠味同炒得均勻，唔會一啖好咸一啖冇味。 海南雞飯有啲耐，朋友慢慢食到一半先上。雞係有骨嘅，都好嫩滑，唔算太肥，可以食埋雞皮。佢個辣醬幾惹味，好有後勁😂飯入面有啲香料同埋魚仔，唔dry。 除咗個海南雞飯等咗好耐之外，其他都唔錯。餐廳仲有賣泰式糕點同飲品，好似班蘭黃金糕、香芽班蘭茶等等，有機會可以試下。