和記餐廳 (Closed)

茶餐廳既海鮮飯，你覺得有咩配料？雪蝦、蟹柳、魷魚🦑、魚柳？我本身都認為得呢D！但呢間餐廳既有D唔同！我同事話呢間餐廳既海鮮飯份量好大，一上菜後我自己都嚇左一跳😂😂！有一個蟹蓋、3-4隻蜆、5-6隻東風螺、兩隻蝦、一個蟹鉗同蟹腳。醬汁因爲係有薑蔥爆過，個汁都有D味，同白飯食都幾夾！如果你係好鐘意食海鮮🦀既人，呢個飯一定好岩你！不過我公道D講句，呢個飯外貌，打卡就一流😂，但海鮮品質我只話一般😐。我諗大家都知，茶餐廳唔會好靚好多鮮甜既海鮮！所以大家對佢海鮮既要求都唔好太高，但以返工食lunch嚟講，有餐咁豐富既海鮮飯，算係一個驚喜😂！Btw，呢間餐廳好黃💛，餐廳上面塊玻璃同收銀痴哂同路人poster，又定時舉辦本地既音樂會，真係一間好貼地，好好既香港人餐廳！