淘園火鍋館

Open Now

Now Closed

一到天寒地冬嘅天氣就好想打邊爐，不過想搵一間湯底比較出色又足料嘅火鍋店就有點困難，上網搜尋一下見到佐敦有一間比較多特色湯底嘅火鍋店，所以就跟老公去試下。火鍋店門面招牌非常搶眼，而且面積都算大，裝修簡單開揚。湯底選擇非常之多，而且有許多湯底出面都沒有見過，我地最後揀了沙魚骨雞鍋湯底用料十足，有花膠仔，沙魚骨，杞子，而且仲有好多雞件在內，雞肉嫩滑，而且湯底鮮甜，我地每人先飲咗一碗湯先再打邊爐。打邊爐一定要點手切牛頸脊，肉味濃，肉質鮮嫩，而且份量十足咁鮮甜嘅湯底最好就係烚海鮮，order 咗一碟澳洲珊瑚蚌拼桂花蚌珊瑚蚌爽口鮮甜，而桂花蚌肉厚爽脆，新鮮度爆燈，2款蚌嘅鮮甜味同肉質都非常好，令人一試愛上自家鮮蝦雲吞拼水餃每件size都幾大隻，水餃入面嘅蝦肉爽口彈牙，而且非常足料，味道又鮮美，反而雲吞就比較普通，味道沒有什麼特別.牛骨髓拼脆鯇片脆鯇片新鮮爽脆，魚味鮮甜，牛骨髓嫩滑可口。油麥菜拼唐生菜蔬菜都清洗得非常乾淨，而且都新鮮爽甜最開心係大部份配料都可以雙拼，好似我地得2個人又想試多些配料，呢度就真係好貼心又方便得多，而且湯底真係又足料又鮮美，下次要再試試其他特色湯底先。