Seafood Stand (Closed)

好特色的漢堡包小店，店裡裝潢好relax的感覺😌漢堡包都有好多款選擇，仲有一d小食同意粉類💁🏻點左熱門既蝦兵蟹將堡$78🦀🦂最大特色係有一隻完整大隻炸左既軟殼蟹，誠意十足，唔係炸粉好厚既空心貨。隻軟殼蟹咬落鮮甜美味，炸到好脆好香口💕另外仲有兩隻蝦，d蝦新鮮爽口，配埋有少少wasabi味既沙律醬汁，真係好惹味而醒胃✨另外仲點左香辣羊柳漢堡$52🍔羊柳好入味好juicy，而且一d都唔so😋連洋蔥、蕃茄、沙津菜一齊食好夾👍🏻個漢堡包其實都幾大個，而且真材實料，食完都已經夠飽啦😁不過人總係中二試多幾樣野😝食唔落另一個漢堡包，就試下小食啦😙洋蔥圈$33同炸魷魚鬚$38都好香口、好好味配埋啤酒一流🍻