Video
Read full review
2022-04-30
890 views
呢間餐廳早幾年食過一次，當時仲係閣麟街舊舖，印象幾深刻~🍴食物好有特色~🧔老闆好好人，請我地飲🥃vodka，仲好吹得，佢老婆同廚師都係烏克蘭人~當時仲有一個雪房擺酒，老細會帶我地入去參觀~再之後搬左依加呢度，杜汶澤介紹完之後，長期爆滿🤦♀️今次襯同事生日，所以月頭已經book枱~晚市只有兩段時間，一係六點；一係八點。本身前一日想打電話比餐廳request留蛋糕同寫名，但由晏就一路打電話到夜晚，都冇人聽電話🤷♀️好彩今日上晝餐廳打電話來confirm booking，所以落到reqest😂六點幾去到餐廳，稍稍安排就入座，餐廳唔大，但佈置好有特色~之前已經睇定想食乜，所以坐低冇耐就叫得野了~今次叫左：🥘傳統烏克蘭羅宋湯🥘烏玆別克牛肉湯🐮招牌芝士焗牛脷盅🥔烏克蘭香煎薯餅🐔馳名基輔炸雞扒🐰傳統炆兔肉🦌古法宮廷焙鹿肉🥔炸薯片🍯烏克蘭風味蜂蜜蛋糕🥘傳統烏克蘭羅宋湯 ($68)因為呢個湯主打紅菜頭，所以比我地平時飲開嘅羅宋湯更鮮紅色~聽人講烏克蘭羅宋湯會偏酸D，香港人未必接受得到，我覺得ok嘅，不過都係鍾意港式羅宋湯多D😂湯面有舊酸忌廉，不過撈埋落去之後，又唔多食到有分別😝呢個湯未飲過係可以試下嘅~
🍴食物好有特色~
🧔老闆好好人，請我地飲🥃vodka，仲好吹得，
佢老婆同廚師都係烏克蘭人~
當時仲有一個雪房擺酒，老細會帶我地入去參觀~
再之後搬左依加呢度，杜汶澤介紹完之後，長期爆滿🤦♀️
今次襯同事生日，所以月頭已經book枱~
晚市只有兩段時間，一係六點；一係八點。
本身前一日想打電話比餐廳request留蛋糕同寫名，
但由晏就一路打電話到夜晚，都冇人聽電話🤷♀️
好彩今日上晝餐廳打電話來confirm booking，所以落到reqest😂
六點幾去到餐廳，稍稍安排就入座，
餐廳唔大，但佈置好有特色~
之前已經睇定想食乜，所以坐低冇耐就叫得野了~
今次叫左：
🥘傳統烏克蘭羅宋湯
🥘烏玆別克牛肉湯
🐮招牌芝士焗牛脷盅
🥔烏克蘭香煎薯餅
🐔馳名基輔炸雞扒
🐰傳統炆兔肉
🦌古法宮廷焙鹿肉
🥔炸薯片
🍯烏克蘭風味蜂蜜蛋糕
🥘傳統烏克蘭羅宋湯 ($68)
因為呢個湯主打紅菜頭，所以比我地平時飲開嘅羅宋湯更鮮紅色~
聽人講烏克蘭羅宋湯會偏酸D，香港人未必接受得到，
我覺得ok嘅，不過都係鍾意港式羅宋湯多D😂
湯面有舊酸忌廉，不過撈埋落去之後，又唔多食到有分別😝
呢個湯未飲過係可以試下嘅~
🥘烏玆別克牛肉湯 ($68)
因為四個人，可以叫兩個湯一齊share😂
唔想淨飲羅宋湯，就叫左個烏玆別克牛肉湯試下😏
驟眼睇似牛肉清湯，但飲落幾重香料味😳
我反而覺得呢個特別過烏克蘭羅宋湯😂
🐮招牌芝士焗牛脷盅 ($98)
見呢個好多人叫，所以又跟住叫😂
牛脷好多件，放滿晒個盅度~
牛脷整得幾淋幾夠味😋
塊酥皮本身係蓋係盅上面，同牛脷一齊焗，
上枱之後，staff會剪開4份，方便食~
不過個酥皮同我預期中有D落差😂
本身諗住係龍蝦湯個D酥皮，點知係餅類物體（？！）
點汁食係ok嘅，但就咁食有D硬同乾🤷♀️
我都係鍾意龍蝦湯D酥皮多D😢
同埋呢個，因為牛脷份量幾多，加上係🧀芝士汁，有D膩~
如果少人食的話，真係要諗諗先叫🤔
🥔烏克蘭香煎薯餅 ($78)
呢個真係好好食，我好鍾意😍
本身睇落好似平平無奇，就普通薯餅加酸忌廉，
碟底好似幾油下😂
我自己覺得幾夠味嘅😚
薯餅中間加左🧅洋蔥絲~
點完酸忌廉食，每一啖都好好食😏
🐔馳名基輔炸雞扒 ($188)
呢個又係好好食😂
切雞扒個陣，落刀第一下，已經有🧈牛油噴左上來，慢慢切開，D牛油流滿晒碟😍
外皮好脆，就算攤完一輪先食，都仲係脆嘅😋
不過雞扒（？！）感覺似雞胸多D😂
但食落唔韌，可能因為中間D牛油，所以都幾好食~
🥔自家製薯片，唔係炸到好脆個種，
反而係有少少淋同煙韌，幾特別，點埋隔離個汁好好食😋
所以我地之後特別叫多碟炸薯片🤣
🐰傳統炆兔肉 ($248)
呢道呢……
因為未食過兔肉，所以又試下😂
但唔同你講，你唔會知自己食緊兔肉😂
我又唔抗拒喎😊
兔肉下面有D意粉，唔太知呢個係乜玩法🤷♀️
個汁幾好食，撈飯一流😂
不過因為係白汁芝士一類，所以都係會比較膩🤦♀️
🦌古法宮廷焙鹿肉 ($228)
繼續又係因為未食過，所以叫😂
一上枱已經見到好多番茜~
鹿肉大大舊，但唔韌，感覺似牛肉😙
裡面仲有🍄蘑菇、🥔薯仔~
我鍾意呢個多過上面嘅炆兔肉😋
🥔炸薯片 ($38)
食基輔炸雞扒個陣覺得D薯片好好食，
所以又叫一碟😂
上枱時，staff都強調係自家製，
不過唔洗佢講，食落就知一定係自家製😂
成碟薯片好快又清晒~
但唔知係咪D鹽撈唔勻，有幾塊係偏鹹🤦♀️
同埋如果有返基輔炸雞扒個醬點住食，就好好了……
🍯烏克蘭風味蜂蜜蛋糕 ($88)
呢個算係烏克蘭嘅特色蛋糕~
有D似木槺蛋糕同千層蛋糕兩溝咁~
入面有D堅果，食落有D野咬下~
個蜂蜜幾好味😋
不過如果一個人食晒成件，應該都幾膩下，
最好兩個人share食~
跟佢餐牌指示，係google map度comment就會獲得🥃free vodka一杯~
於是四個人齊齊淺嚐一杯~
我自己對vodka 0認識，所以唔評論了~
最後埋單 $1212，四個人食，人均 $303，性價比好高👍
食物好有特色，出面餐廳唔係度度都有~
不過staff服務上，可能要好少少😐
因為係叫上甜品時，staff有少少黑面😓
同埋我地七點九左右走，咁岩走個陣見到隔離枱係我朋友，所以企左係房仔門口吹左幾句，個staff感覺好唔耐煩咁🤦♀️
知道餐廳忙住翻枱，但可以禮貌少少講聲，我會識做的……
Post
