蠔燒

Open Now

Now Closed

好耐冇過來宜安街食飯，見到呢個有一間蠔燒是食串燒當然要過來一試。燒烤種類有好多又有時令海鮮。蒜蓉豆皮內里包住蒜蓉外面有孜然粉，一口咬落啖啖蒜蓉香味，豆皮又幾軟熟。奶香小饅頭細細個，外脆內嫩又有煉奶好好味。牛肉串肥瘦均勻，牛味香濃又夠淋，雞腎燒到好爽脆又香口。燒魷魚鬚細細塊幾彈牙，又好入味。燒韮菜火喉控制得剛剛好，又唔會燒得過燶好味道。蒜蓉茄子，茄子上面舖滿蒜蓉，味道又剛剛好，又唔辣茄子又夠淋。燒娃娃菜燒到夠淋又香。燒蠔有半打大大隻，拎上台已聞到香噴噴，連埋蠔殼有我手掌咁大隻，蠔好肥美又鮮甜。