蠔燒

Open Now

Now Closed

蠔燒 (牛頭角).係我買止咳茶附近有間串燒唔知係咪新開，咁熱嘅天氣就想啤啤佢！.▪️蒜蓉烤蟶子王▪️.蟶子今日有貨，$198四隻時令價可以叫翻人頭數照計燒得熟左少少，但真係蟶子王，勁大隻！.▪️燒牛舌·鴨舌▪️.牛舌兩串起，都好香口另外鴨舌一客十串，撒上好多燒烤粉，食落津津有味.▪️燒粟米🌽·芥辣魷魚🦑乾▪️.燒粟米勁甜！ 一客一條整開四件食到隔離枱都問我係咪好好食🤭燒好嘅魷魚乾再沾上芥辣豉油，又幾好食.▪️奶香小饅頭▪️.就係迷你饅頭，燒完再加煉奶！.📌 蠔燒 (牛頭角)牛頭角宜安街23號地舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

呢間主打串燒既餐廳冷氣夠大通風夠好，室內冇咩油煙感，而串燒上枱後亦會用個熱鐵板keep住加熱，唔怕冷氣太大吹凍，十分體貼，成班朋友黎一路食串燒一路飲酒就fit晒！🍻🍻我地叫左好多款串燒，口味揀左偏重，辣度就小辣，除非你好食得辣，建議小辣或微辣就好夠。串燒基本上黎到款款都好味，我地就重點推介幾款🙌美國牛肋肉：兩串每串都有3大舊，肉質夠腍，唔會燒到好乾，牛味都重，配埋燒烤粉十分惹味，牛魔王必點🐂蜜糖雞中翼：有兩串每串都有兩隻雞翼，每隻都大大隻，外皮燒得好脆，咬落索索聲，蜜糖汁入晒味，入面肉汁都鎖得好緊好juicy，真正做到外脆內軟🐔豬頸肉：雖然每串得一舊，但有成十串咁多，計落都幾抵食，最緊要每串都燒得好入味，外皮燒到金黃色，色香味俱全🐖台灣地道腸：腸既size接近司華力腸，外皮都係燒到脆卜卜，口感十足，好味得黎亦係飽肚之選

呢間一定係👩🏻最愛嘅觀塘區串燒鋪！選擇特別多，連羊腿、豬腦、鴨腸都有，同埋出品冇其他餐廳嘅咁油。👩🏻最愛佢哋嘅蜜糖雞中翼，皮好香，而且肉完全冇雪味。唔似自己加百花蜜燒嗰種，而係KFC蜜蜜燒雞翼嗰種調味，懷舊又好食🤩。焦香五花肉火喉控制得好好，燒得好脆口。燒鴨舌比起其他餐廳抵食好多，好香又有啲嘢噒下，好啱餸酒！蒜蓉香菇都好重蒜香，燒得特別乾身香口，唔似其他餐廳咁油淋淋。金針菇都係乾燒，少少脆脆地好特別。奶香小饅頭燒到外脆內軟，但冇炸嘅咁油，配練奶勁好食。朱古力味係落咗朱古力粉。羊肉串$35/2燒鵪鶉$98蜜糖雞中翼$42/2雞軟骨$32/2燒鴨舌$58/10燒粟米$30蒜蓉香菇$18金針菇$20奶香小饅頭$18朱古力味小饅頭$20焦香五花肉$38/2

宜安街呢度幾多餐廳，經過見到呢間串燒店，雖然店鋪不大，但裝修日本風，乾淨企理。串燒種類都幾多，最特別係可以自己選擇口味，口感同辣度，好貼心。而且每張枱都有個爐助暖串燒，吾怕同朋友講多幾句就食物凍晒😆🐮牛肉串燒得超香口，啖啖肉🐮美國牛肋肉肥瘦適中，燒得剛剛好，滿口肉汁😋🐤雞中翼芥辣味雞肉好嫩，同芥末味好夾。🐤燒雞脾燒得乾身，外皮香脆🐟燒鯧魚原條上枱，啖啖魚肉，面頭灑左好多香料，好惹味。🐟油甘魚餃必食！魚餃肉都幾多，魚油幾豐富🐚蒜蓉粉絲扇貝扇貝好新鮮幾大隻，彈牙👍🏻滿滿蒜蓉香，粉絲入晒味😋🥥100%椰青水食串燒必飲，清熱解渴😋🌟🌟總括嚟講，支持小店，即叫即燒，用心制作。最鐘意佢的調味粉，滿滿孜然味😍超級惹味。

今晚同朋友食過比較晏嘅晚飯，又唔想食得太Heavy，決定去食串燒👍🏻👍🏻點了三個招牌和一些串燒：🌟招牌‼️小肥腸2串（$38）未去到炸大腸嘅脆，但佢有脆皮得來亦煙靭，正👍🏻🌟招牌‼️秘製蒜蓉燒生蠔半打（$228）美味值得等待！上碟嘅時候就係生蠔啱啱熟，好香滑，加埋蒜蓉和辣椒很惹味！🌟招牌‼️蒜蓉茄子（$40）朋友說這個必點！Juicy又香又唔乾，好食😋🌟燒魷魚鬚10串（$35）魷魚鬚非常爽口👍🏻🌟燒面筋（$20）煙煙韌韌好食👍🏻🌟燒牛油10串（$45）視乎你是否愛油香味😊想飲酒亦有幾多款式，同朋友坐下傾吓偈都唔錯

宜安街呢排真係有唔少高質嘅食店人流亦都非常之多！所以我都好鍾意喺呢條街搵野食我發覺到最近開咗呢間串燒店「蠔燒」～睇過Menu後覺得價格合理 款式都多😜可以揀唔同辣度🌶️🌶️🌶️唔辣都可以店員幫手整好個烤爐 再喺爐底放入蠟燭🕯️可以令食物保持溫度多春魚$38/5條呢條魚肉質彈牙 入面仲有好多魚子魚子飽滿 燒得恰到好處 唔會太乾招牌原味雞中翼$42/2串推介！雞翼外皮酥脆 咬落特別有彈感 但裏面依然保持鮮嫩多汁體型比較大隻 啖啖都係肉😂😂孜然醬料調配得恰到好處既唔會太鹹 又有足夠嘅鹹香味 燒倉魚$88/條魚皮焦脆 肉質肥嫩份量十足 性價比頗高⭐️燒牛舌$45/2串牛舌肉質彈牙 但又唔會太韌配合特製嘅孜然味醬汁超級美味🤤一串兩件分量夠 價錢合理奶香小饅頭$18/串每串三粒 呢個小饅頭軟綿綿嘅 上面有啲煉奶帶住濃濃奶香 好有層次感😊美國牛肋肉$58兩串呢道牛肋肉做得十分到味 表面焦脆裏面仍然保持鮮嫩多汁🫨滿足感好強勁川香雞腎$38/2串既唔乾又唔會太濕 恰到好處質地彈牙帶點嫩滑 調味得宜燒韭菜$20/份清脆可口 調味簡單但卻別具風味🥢金針菇$20/份金針菇肉質滑嫩 清新爽口孜然醬汁味好濃郁 被金針菇索哂

蠔燒係觀塘嘅四川串燒店，食物口味、辣度、口感均可自選！蠔燒供應多款啤酒，有日本黑白生啤、大支裝啤酒、黑啤、連極受網友推崇嘅西班牙金星啤酒都有！羊肉串 $38/2串｜焦香五花肉 $38/2串羊肉帶肥唔羶，軟柔可口！五花肉真係做到有焦香效果！招牌蜜糖雞中翼 $42/2串｜燒肥腸 $38/2串雞中翼燒到漲卜卜，皮香肉嫩！肥腸口感軟滑！燒牛舌 $45/2串｜雞軟骨 $32/2串香口為主嘅串燒，佐酒嘅良品！豬頸肉 $48/10串｜魷魚鬚 $35/10串每份10串嘅豬頸肉，又爽又香口！魷魚鬚係用水魷！蒜蓉茄子 $40/條｜燒韭菜 $20/份｜金菇 $20/份蔬菜類都有唔少選擇，做到香口得嚟仍保持水份！藍妹 $38｜烏龍茶 $18

係牛頭角放工成日都經過見到呢間新開無耐嘅串燒店晚晚都唔少人，雖然餐廳格局唔大，不過環境上都幾乾淨。串燒可以自己選擇口味口感同辣度，味道上比較川式，所以就算微辣都係偏辣。 另外都幾多野食可以揀，檯面仲有個保溫燒爐，就算叫得多食唔切都唔會咁快凍。燒羊腰 $78/串腰位原來幾大，無咩羊騷味，連住舊肥膏油幾香燒牛舌 $45/2串唔會太薄切，食落都係爽口嘅美國牛肋肉 $58/2串牛味幾香，有肥有瘦肉，咬落幾香雞軟骨 $32/2串幾爽口脆口，有兩串抵食，軟骨位夠淋身唔會好硬燒雞心 $45/2串一串都幾多粒雞心，味道比較濃味油甘魚魚鮫 $78燒得幾香，魚鮫肉都多，另外有d調味粉可以自己沾黎食，再加少少檸檬汁食落幾鮮蒜蓉茄子 $40/條茄子大條，燒得夠香，蒜蓉同辣椒夠多，食落好食燒韭菜 $20/份韭菜唔會太老，有蔬菜食下都唔錯青島啤酒 $32/支食串燒點都要啤一啤佢，價錢差唔多啦

今日去咗牛頭角燒烤店～蠔燒～，有驚喜呀。特別係黎到~蠔燒~點可以唔食既🦪燒蠔🦪，超級鮮甜，每隻蠔都好大隻，加上滿滿既秘製蒜蓉醬，真係食唔停口。其他串燒都好正。台灣地道腸Juicy 啖啖肉。燒魷魚鬚10串，好彈牙。蒜蓉豆皮同蒜蓉香菇，豆皮爽口包住蒜香十足既蒜蓉，一咬啲汁流哂出黎，香菇都一定多汁。🥰如果鍾意牛，牛肉串同燒牛舌真係唔可以錯過。牛肉串燒得剛剛好，鎖住肉汁，而牛舌肉滑嫩。蜜糖雞翼，燒得香脆，肉質鮮嫩。最後叫左奶香小饅頭做小甜品，鬆軟香甜，淋上鍊奶朱古力粉，sweet。有多好味串燒，最好梗係飲返罐啤酒，但揸左車，唯有飲可樂，chur 返啖氣。如果你係燒烤控，一定要嚟試下。

收工之後約左朋友去食宵夜依家好多食肆都收得好早 好彩搵到呢間新開既串燒店 開到凌晨2點㗎店鋪環境企理 食物款式多 仲有個爐熱住秘製蒜蓉生蠔 $228/半打見到佢用蠔黎做招牌 一定要試下有幾正真係好誇張 隻隻都手掌咁大隻燒完都仲好大粒蠔肉 脹卜卜架入口勁鮮味 蒜香濃郁 蠔肚仲有爆漿既口感推薦大家一定要食呀 真係好滿足其他串燒都好抵食 仲可以揀口味、口感同辣度蒜蓉茄子 $38/2串牛肉串 $38/2串燒牛舌 $45/2串蜜糖雞翼 $42/2串雞軟骨 $32/2串豬頸肉 $48/10串燒魷魚鬚 $35/10串奶香小饅頭 $18

牛頭角宜安街戈邊出左名多野食，大部分系街坊小店，今次同朋友就發掘到一間串燒店🍢餐廳最用心系地方系主張即叫即燒，相信食材黎到會十分新鮮熱辣辣🔥奶香小饅頭煉奶味香甜🤍大人小朋友都喜愛😆饅頭今時今日都可以用黎燒系幾過癮，食落又幾脆。食親串燒都好中意食台灣腸，大大條又有咬口，果然充滿台灣風味。牛肉串牛肉味香濃🐮睇黎呢度既老闆對雞翼十分有信心，單系雞翼已經分原味、芥辣、蜜糖🍯我同朋友揀咗蜜糖味，蜜糖香氣十足，味道香甜，食雞翼好入味🐔喺呢度真系必叫。蒜蓉茄子系串燒店必點🍆蒜香味撲鼻👃🏼茄子數量好多，兩個人十分足夠。燒海蝦新鮮，爽口彈牙🦐蒜蓉燒扇貝同樣新鮮，向來系串燒店同大排檔熱門之選。燒倉魚啖啖肉，肉質實在，有腥味👍🏼估吾到倉魚用燒嘅烹調方式都可以整得咁好味🐟

收工想chill 下，近近地想食下野，就嚟到牛頭角呢間小有名氣嘅蠔燒🍺試下佢哋嘅串燒同飲下酒燒豬手豬手燒得皮脆肉嫩,加埋佢哋自家調製嘅特色燒炸粉,真係超級惹味🥹燒牛肉串牛肉燒得好鮮嫩,恰到好處,一啲都唔會好乾😋配合店方嘅獨特醬料,真係冇得輸燒羊肉串一啲羊臊味都冇，一入口羊肉既油脂香氣四溢🤩但又唔會太濃,超級好味燒茄子茄子肉烤得超級軟,入口啖啖都有蒜香味😍加上佢哋特別調製嘅醬汁,有啲微微嘅辣,忍唔住一啖接一啖😘根本停唔到口呀!總括嚟講,呢到既串燒真係幾出色,無論係肉質、烹調技巧定至佢哋嘅特色醬料,全都做到一流水準,難怪佢哋會咁有名😆真係太正

朋友住樓下，見到下面串燒店新開左幾個月，岩岩跳完舞即刻約佢試試半打蒜蓉生蠔（$228）上到枱超滿意，全部都大大粒好飽滿，上面仲要鋪滿蒜蓉，好新鮮，好快就比我哋兩個女仔ko曬！羊肉串（$38）吾騷！！中間有薄薄既油脂間住，加小小辣粉，好惹味！牛肉串（$38）比起羊肉串，我更愛牛肉串，吾太靭食落去冇筋！覺得調味比羊肉更重，個人食得幾辣，我叫微辣都要叫野飲解辣五花肉（$38）個人中意厚切多d，呢個比較薄，燒得香又脆，食得吾夠喉台灣腸（$22）係脆脆波波腸既質感，彈牙爽口又甜香，一咬啲油爆咗出嚟，超juicy 蒜蓉茄子（ $40）呢個唔使講，係每次食串燒嘅必叫項目，茄子飽滿厚肉，燒到啱啱好，茄子皮同肉分離啖啖肉！麻辣魚皮（$48）超辣！魚皮彈牙爽口🥓下次唔會輕易挑戰，因為入邊真係有幾隻辣椒，辣到叫咗兩支王老吉！！

之前係宜安街經過見到依間串燒店 上網睇完啲相就心郁郁想黎試下🤣 於是今次就同朋友過左黎食 整體嘅食物質素都好好😎🍀秘製蒜蓉生蠔依個一定係必食 一叫就半打起彈 每一隻燒生蠔都好肥好大隻 一大啖食落肚好正🤩 蒜蓉汁亦都好香好入味🦪 好食到想叫多半打繼續大大啖放入口🥹 下次再黎食一定會再叫😚🍀串燒肉類串燒嘅調味恰到好處 味道夠濃郁 又唔會太過分遮蓋肉類嘅味👍🏻 牛肉串幾嫩口 吾會好煙韌 每一啖嘅味道都好濃厚🐮 焦香五花肉肥肉同瘦肉嘅比例啱啱好 所以口感對比好明顯🐷 招牌蜜糖雞中翼幾大隻 每一啖都好有肉地🐔 燒鴨腸有30串 可以係咁食好滿足😆🍀蒜蓉茄子每次食串燒都一定會叫蒜蓉茄子🍆 同樣調味恰到好處 茄子肉好容易夾起 同茄子皮分離 不過到最後我都係會食埋塊皮😝🍀奶香小饅頭一串有四粒 小饅頭嘅口感煙煙韌韌幾過癮 加埋啲煉奶一齊食更加好食😋

蠔燒 (牛頭角)牛頭角宜安街23號地鋪味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：秘製蒜蓉生蠔(半打) $228，椒鹽大虎蝦 (每隻) $30，燒娜威三文魚頭(半塊) $68，手撕芥辣魷魚乾 $45秘製蒜蓉生蠔：蠔肉鮮嫩多汁蠔味濃，搭配蒜蓉調味，濃郁的蒜味與蠔鮮相互襯托，口感豐富！😄😄😄椒鹽大虎蝦：大隻的虎蝦經過椒鹽炸煮，外皮酥脆，入口帶有微辣的風味，虎蝦肉質鮮甜結實，飽滿有彈性！👍👍👍燒娜威三文魚頭：以特製醬汁燒烤的三文魚頭，魚肉鮮嫩滑順，滲透著燒烤的獨特香氣，入口香嫩多汁，令人回味無窮！😍😍😍手撕芥辣魷魚乾：脆嫩的魷魚乾被手工撕成絲狀，搭配醬油和芥末醬，辣味與魷魚乾的鮮香交織，口感酥脆香辣，令人欲罷不能！😋😋😋其他：燒魷魚口感韌勁，多春魚外皮酥脆，麻辣魚皮爽脆嫩滑，蒜蓉茄子外脆內軟，燒秋葵口感鮮甜，奶香小饅頭酥脆可口，羊肉串肉質鮮嫩，牛肉串口感嫩滑，招牌蜜糖雞中翼香甜多汁，燒牛舌口感細緻，火腿腸口感彈牙，水準十分不錯！❤️❤️❤️