kikusan (Closed)

同姊妹諗左好耐食咩生日飯，最後去左希慎廣場既Kikusan。最初book 時以為係日本菜，入到去先知仲有上海野食。餐廳情調幾好，食物選擇OK。我地有朋友食素，佢地都有素菜選擇，如牛油果冷豆腐、煎素餃子、鮮芒果紅菜頭米紙卷、咖喱雜菜飯等。 米紙卷好清新，但味道較淡。另外我地叫左雪魚西京燒，值得一讚，外脆內軟，好味道! 壽司併盤就味道一般，可以接受。如果帶美心系列既蛋糕，就唔收切餅費。總括而言，食材都叫新鮮，份量較少，價錢OK，可以一試。