藝程雅聚 (Closed)

放假入到去大尾督搵下好野食，見到呢間餐廳外觀好有特色，好靚，好colorful，非常吸引。今晚就決定食你啦，於是走左入去坐底左，首先叫左2杯冰凍啤酒解解渴先，再慢慢睇下食乜喺等野食既小小時間，參觀左佢呢到既環境，原來呢間餐廳既老闆係一個畫家，成間餐廳都係佢設計，牆上所有既畫都係佢畫，樓上3樓仲有個個人小畫廊。雖然感覺主打好似一間畫室多過餐廳，但試左佢地啲食物，一啲都唔會失色，配搭埋呢到既環境，食物都變得色彩左。😊串燒唔多款式選擇，叫左份豬肉串燒，都燒好香口野味，再配埋個沙律菜，食完感覺都無咁熱氣。焗豬手皮相當香脆，而且肉質唔會鞋，加埋佢個酸酸甜甜既漿汁，零舍醒胃，食哂成碟都唔會覺得溜。巴拿馬火腿pizza餅底夠哂薄脆，上面既芝士焗完香氣十足，食完都仲十分回味。烤雞非常皮脆肉嫩，咬落仲好juice。同時呢到既員工態度很好，感到相當愉快既一晚。