平民扒房@友蠔食 (Moved) New Location

同老公食生日飯，好想食牛扒，見到呢間都多人推薦，原來有特色嘅石燒牛，比平常嘅唔同，佢係有兩塊板， 一塊係熱板，另一塊係室溫板，可以按自己嘅喜好，燒到自己喜歡嘅熟度就放落另一塊板上面，避免over cook，今次我食咗巴西牛柳200g，好大塊，比較厚身，脂肪比例都唔錯，唔會好靭，配埋個黑椒汁，帶出個牛味更加香濃。另外西班牙珍寶生蠔買一送一，的確幾大隻，好鮮甜，配埋檸檬汁，好Juice啖啖肉。蒜蓉白汁蜆肉意粉好有驚喜，個汁混合得幾好，好香蒜蓉味，蜆肉大粒，意粉好有口感，唔會林身。