Video
Read full review
2008-06-28
31 views
相比起雲貴川、雲南桂林過橋米線，呢度既米線就比較清，但亦有不少捧場客。一向最鍾意食佢既涼拌米線 ~ 有炸醬、酸菜、粟米火腿、牙菜、仲有... 好好味既醋伴底。酸酸 'mei mei'，好開胃，夏天食就最岩。不過今次就食粟米火腿米線 + 麻辣雞 (另上)。鍾意食佢粟米火腿米線既原因係.. 佢本身既湯底比較清，再加上粟米火腿都不算是多油的食物，所以就「清上加清」了。而佢既粟米又係零舍清甜的，所以好多時都會叫。除此之外，佢枱面上既辣椒醬好好味架. 都算幾辣，但又唔拿喉... 配埋 D 醋就一流.. 所以如果叫湯米線的話，就係叫粟火火腿，再自己加「調味料」 ~ 其他配料就全部另上了。另外，佢既麻辣雞都幾好食 ~ 之前食就覺得好辣，但今日食就覺得 OK .. 係麻而不會過辣果隻。 D 雞切成一粒粒，變左好入味，而 D 洋蔥林林地，但又唔會好散.. 不過衰一樣野，就係好多油 (見圖. 但今次既相效果麻麻，唔好意思 ) 所以就一定要另上，如果唔係.. 你碗米線就係會變左一碗「油湯米線」了。而佢既豬扒亦係可以一試的，不過下面食評已經提及，這兒從略。呢度亦都有唔少人會叫水餃米線.. 但佢水餃米線會自動同
一向最鍾意食佢既涼拌米線 ~ 有炸醬、酸菜、粟米火腿、牙菜、仲有... 好好味既醋伴底。酸酸 'mei mei'，好開胃，夏天食就最岩。
不過今次就食粟米火腿米線 + 麻辣雞 (另上)。鍾意食佢粟米火腿米線既原因係.. 佢本身既湯底比較清，再加上粟米火腿都不算是多油的食物，所以就「清上加清」了。而佢既粟米又係零舍清甜的，所以好多時都會叫。除此之外，佢枱面上既辣椒醬好好味架. 都算幾辣，但又唔拿喉... 配埋 D 醋就一流.. 所以如果叫湯米線的話，就係叫粟火火腿，再自己加「調味料」 ~ 其他配料就全部另上了。
另外，佢既麻辣雞都幾好食 ~ 之前食就覺得好辣，但今日食就覺得 OK .. 係麻而不會過辣果隻。 D 雞切成一粒粒，變左好入味，而 D 洋蔥林林地，但又唔會好散.. 不過衰一樣野，就係好多油 (見圖. 但今次既相效果麻麻，唔好意思 ) 所以就一定要另上，如果唔係.. 你碗米線就係會變左一碗「油湯米線」了。
而佢既豬扒亦係可以一試的，不過下面食評已經提及，這兒從略。
呢度亦都有唔少人會叫水餃米線.. 但佢水餃米線會自動同你加酸菜同炸醬，因為老細話咁先夠風味喎﹗不過，如果嫌佢加左之後油膩的話，咁可以叫佢走左呢兩樣配料，又或者叫另一款米線，然後另加水餃， $2 一隻，咁樣仲化算呀﹗以前 D 水餃真係好好食既 ~ 但近期水準有小小下跌，D 皮厚左，易散左，同埋肉多左...
小食方面，臭豆腐都幾出名架﹗如果你係富輝商場上面行過，周不時都會聞到成陣「嗅」味，就係由呢間食肆發出的。佢既臭豆腐唔同旺角街邊果類嗅豆腐，而係細細舊同乾身，隔離有辣粉比你點。不過，如果一個人食晒四舊就好有機會喉嚨痛，所以最好多兩三個人 share 咯。
不過呢度既舖位就比較細，坐得較迫，星期六日人多時仲可能要坐樓梯口... 所以環境和衛生會減分。而阿姐既服務時好時壞，所以都唔可以比高分。
如果入開去馬鞍山，不妨試下呢間米線啦﹗
Post
