西關粥品 (Closed)

元朗食粥，通常第一時間就會諗到發記。不過實在太多人，有時要排大半個鐘先入得。呢個時候我記會諗起第二間粥店，西關粥品。西關粥品同一般粥店好唔同，平時粥店都係賣艇仔粥、碎牛粥。不過西關粥品會係粥入面加上特別配料，例如番茄🍅🍅、蟲草花、和蛋等等⋯今次我叫咗碗番茄碎牛粥。平時碎牛粥就食得多，蕃茄碎牛粥真係少食，蕃茄有陣酸酸甜甜嘅味道，同碎牛粥嘅鹹味出奇地互相配搭，效果令人驚喜。食完之後，令到胃口大增。