Video
Read full review
2019-09-08
72 views
最近真係少咗出去食飯，因為實在太忙，今次就近近地喺荃灣食個飯就返屋企，諗住喺荃新天地食嘢，見到新開左間羅麥記，地方幾大同埋座位好似都坐得幾舒服，望吓餐牌都唔錯，所以就決定係佢啦餐廳有晚市小菜套餐供應，有一人餐以及二人餐，可以揀一款小菜及一款小食，包括左例湯或者飲品最後我哋叫咗個一人餐，揀咗口水雞配羅麥雞翼，雞雞雞，全部都係雞口水雞個醬汁唔錯，份量都幾多羅麥雞翼可以揀辣或者唔辣，我哋就揀咗辣明，醬汁味道有少少似瑞士雞翼，原來加咗辣都幾好味另外我哋叫咗隻燒乳鴿，即叫即燒，乳鴿都大隻多肉，燒得好香套餐可以加$28配清炒時蔬一碟，我地叫咗蒜蓉炒生菜，抵食呢度嘅飲品都好有特色，當中我最鍾意就係粒粒紅豆冰奶茶，佢嘅特別之處係佢啲冰係紅豆沙嚟㗎，完全唔驚會比冰溝淡左杯嘢飲嘅味道紅牛我都好鍾意，面頭有士多啤梨雪糕，配利賓納梳打及雜果，好味呀餐牌仲有好多其他嘅特色食品，可惜食唔到咁多
餐廳有晚市小菜套餐供應，有一人餐以及二人餐，可以揀一款小菜及一款小食，包括左例湯或者飲品
最後我哋叫咗個一人餐，揀咗口水雞配羅麥雞翼，雞雞雞，全部都係雞
口水雞個醬汁唔錯，份量都幾多
羅麥雞翼可以揀辣或者唔辣，我哋就揀咗辣明，醬汁味道有少少似瑞士雞翼，原來加咗辣都幾好味
另外我哋叫咗隻燒乳鴿，即叫即燒，乳鴿都大隻多肉，燒得好香
套餐可以加$28配清炒時蔬一碟，我地叫咗蒜蓉炒生菜，抵食
呢度嘅飲品都好有特色，當中我最鍾意就係粒粒紅豆冰奶茶，佢嘅特別之處係佢啲冰係紅豆沙嚟㗎，完全唔驚會比冰溝淡左杯嘢飲嘅味道
紅牛我都好鍾意，面頭有士多啤梨雪糕，配利賓納梳打及雜果，好味呀
餐牌仲有好多其他嘅特色食品，可惜食唔到咁多
Post
