喜慶屋拉麵餃子專門店 (Closed)

大坑出名野食多嫁啦，今次就黎左食拉麵間舖頭睇落好有特色，而且啲食物全部都有圖嫁入面雖然唔係好大，但坐落去幾舒服，老闆同店員都好niceMenu上冇面主打個豬骨湯底同餃子，所以我兩樣都叫左豬扒豬骨湯拉麵，個豬骨湯好清甜但係又唔會唔夠味，個豬扒都好正，有小小肥肉，好有屋企嘅味道。Btw鐘意食蛋嘅人應該會好欣賞個唐心蛋，佢中間蛋黃以外嘅蛋白都好滑，有小小似食緊豆腐花我媽媽就鐘意食辣，佢叫左地獄叉燒拉麵中辣，因為佢平時都食開好辣所以就覺得唔係好辣。不過兩個比較起黎，我鐘意豬骨湯多啲餃子有三種，白菜，九菜同埋芹菜馬蹄餃子有得揀煎或者配豬骨湯，我就揀左煎餃，個皮煎到好脆。最欣賞就係芹菜馬蹄餃，一黎我自己鐘意芹菜個味啦，二黎馬蹄個口左好爽，食落唔止餃子皮脆仲好爽口Btw老闆介紹左我地加佢個辣醬，個醬同餃子好襯，而且仲有好多料響入面，唔止得辣味，仲鹹鹹地。仲有雞翼，雞翼煎到個皮好脆，佢yip到岩岩好，好有屋企嘅感覺，完全冇響街食味種味精味。仲有薏米水飲，雖然叫左凍嘅，不過佢入面有小小薑粒仔，所以唔會太寒。好有心思嘅小店，所有野都係自制而且好健康。食完完全唔會有平時食拉麵太多味精果種口渴嘅感覺