Downtown Hot Dog (Closed)

Downtown hotdog位於荃灣如心廣場熱狗快餐專門店，店鋪有多款熱狗漢堡，好多都係店主自創。今次同朋友食左handmade手打牛肉漢堡同費城芝士牛肉熱狗。手打牛肉好厚好大塊又juicy，食一啖，熱辣辣既牛汁就會流出黎，再配醬汁大大塊生菜，個漢堡十分有九分，係隱世既漢堡王。費城芝士都不錯，芝士一大塊，牛肉都有幾塊，加了店主自製用黑椒洋蔥調製既醬汁，最緊要個包係有輕輕熱過，所以整個熱狗都好惹味！另外薯條都不錯，肥厚多薯。南瓜湯都值得一讚，因為真係好多南瓜絲係裡面，幾用心！