山東餃子花膠湯飯專門店 (Closed)

聽講尖沙咀加連威老道的美食坊開左間山東餃子花膠湯飯專門店，放工就同左朋友過去試下。 我叫左個翠瓜花膠泡飯另配6隻餃子。估唔到花膠都幾大舊，炆得幾淋, 口感唔錯。湯底飲落順滑甘甜。餃子我揀左麻辣冬菇雞肉餃，調味唔會過辣，香味濃郁，餃皮厚度適中。 朋友叫左個翠瓜花膠魚蓉麵，另配香芹芫茜蝦肉餃。魚蓉麵香滑軟綿，餃皮滑溜，餡靚足料。 我地仲點左個麻辣花膠，味道惹口過癮，口感Q彈，滿滿的骨膠原。 飲品方面，我地分別叫左杯菠蘿碟豆花梳打同菠蘿熱情果梳打，味道唔會過甜，消暑解渴，透心涼。