潮食地 (Closed)

晚餐唔知去邊度食好，咁啱行過呢間又似cafe又似中餐嘅茶餐廳。 入到去好cafe feel, 但原來係茶餐廳嚟架。 最後，我哋叫咗兩個餐，一個西式一個中式。 我就叫咗蕃茄肉醬意粉，今餐有蘑菇忌廉湯同埋一杯熱飲。 個蘑菇湯就非常出色，好入味，而且仲有細細粒嘅蘑菇肉。非常美味。蕃茄肉醬意粉就不過不失啦，但係一定好味過大家樂。意粉硬度適中，醬汁就中規中矩啦。而且仲配埋一杯比平時茶餐廳大份嘅熱檸檬水 。 佢個份量都幾大份㗎！第二個餐，我哋就叫咗蔥油豬扒煎熟蛋飯。當然你哋可以叫佢整sunrise egg啦. 我哋係特別要求佢整熟蛋。我呢個蔥油豬扒飯就真係好好味呀啲香蔥放落啲飯度，你睇吓幾送到飯如果再去，我都會揀蔥油豬扒煎蛋飯如果大家喺荔枝角諗唔到有咩好食嘅話都可以試呢間。