泰玖

Open Now

Now Closed

荃灣係香車街附近其實都有好多特色美食，其中一間就係泰玖，見係門面介紹有三間電視台曾經接受訪問，質素應該有番咁上下。泰玖主打特式泰菜，另外地下係bar枱形式更加有氣氛，另外仲有閣樓提供一般座位。呢個真係泰玖Signature首選，一上枱已經聞到蒜蓉香味，金黃色的外表都好吸引。由於係厚切，而麵包好鬆軟，所以一啖咬落去的感覺好正，就咁食都已經好好食，配埋咖喱又有另一番滋味。呢度有分青咖喱、紅咖喱同埋黃咖喱，各有特色。今次就揀左青咖喱雞，雞肉用上雞柳，肉質唔鞋，亦都無雪味。另外有好多唔同的蔬菜配料，所以都好豐富。呢度的串燒都有好多款，今次就試左雞、牛同豬。最大驚喜係豬，平時都係食開豬肉，但呢度係用豬腩肉，所以油份會比較多同埋惹味。食開泰菜，點都要叫蔬菜，以前的我最鐘意叫飛天通菜，但慢慢發覺椰菜苗都幾好食，比起普通椰菜，少左澀的味道，而最重要係比較嫩，容易入口。呢杯又係泰玖Signature之一，首先份量超多，菠蘿味都好出。另外呢度的乳酸真係黎自益力多，上枱都俾番個樽你做record，證明真材實料。