胡椒仔

Open Now

Now Closed

北區街坊朋友推介我食呢間既煲仔飯，要晚上9時先開始供應，零晨都仲有食。。即叫即煲～所以要睇定時間～今次叫左臘腸排骨煲仔飯 ，外賣拎返黎時有個特製包裝盒包住個煲仔，保溫得黎又保護個煲～煲仔飯我覺得飯🍚🥢先係主角黎～呢個煲仔飯火喉夠，啲飯收水收得幾好～有飯焦👍配搭埋臘腸嘅油香又滲透返落飯個度，個煲仔飯豉油係重點～甜甜地～撈飯好掂呀～啲米飯係幼身。飯焦連埋煲仔內既飯一齊食～仲有層次既豐富口感～未落豉油之前可以見到邊邊有飯焦撈左煲仔飯豉油，一匙羹內有齊臘腸油香、煲仔飯豉油既甜味、脆飯焦同飯既口感，層次複雜但豐富～店內環境幾好，仲有一幅有區內特色既壁畫牆，適合打卡。