瑞記咖啡

Open Now

Now Closed

平日十一點幾到，客唔多，眼見好似只有兩個負責人工作，又煮又收，有少少亂，不過環境尚算整潔。食物方面，我點咗個樽仔凍奶茶、西多士同蛋牛包。算係各有特色。奶茶本身有糖，冇得走，唔算甜。相對傳統港式奶茶而言，茶味唔濃，啱晒唔鍾意濃味嘅人飲。整體上中規中舉，不過不失。此處西多並非炸至金黃，而係烘底再沾上蛋汁後煎，然後再加上大量煉奶。味道而言，基本上係煉奶味，有一定甜度。口感上並無一般西多嘅脆感，取而代之嘅係一種軟性嘅脆，算係有特色，可以一試。包身有烘過，少少脆，幾香。內夾蔥蛋免治牛，算唔錯，但唔算值得大推。結論：平價茶餐廳，有少許特色，經過不妨一試。