Video
Read full review
2015-10-23
1293 views
平時周圍搵好野食，目的都係想搵一間有特色既餐廳， 自從上個月同朋友慶祝生日後試過西班牙菜之後就對佢念念不忘，今日為左祝賀朋友升職，黎左位於尖沙咀厚福街H8 既Espuma，地鐵站行過去都係5分鐘左右。我地今次點左2個小食，1個Main Course 同一個甜品。焦糖單骨雞翼: 呢個真係小食既首選，懶人同怕多骨既朋友一定會鍾意，單骨雞翼係超正架，仲好方便食，一條骨放入口， 好容易就食到D肉，雞翼既皮煎得幾脆，上面佈滿焦糖同蜜糖，味道香脆可口，亦都唔會炸得過乾。特色粟米薄脆 (Nachos): 呢個小食絕對係吹水時必食架， 大大碟既墨西哥薄脆片，上面加左酸忌廉，牛油果醬， 酸瓜粒同蕃茄粒，非常搭配，咸中帶點清新嘅酸味，味道又清新又好味。粟米片好脆口，配上既醬料好夠夾，份量又多，好似食極都仲有，食極都食唔完咁，唯一美中不足既係D 醬料唔夠多，加多少少會更加好。香脆咸豬手: 呢個咸豬手好似好出名咁，見好多檯都有叫，可惜等候需時，不過值得一讚既係上菜時D咸豬手已經切好，食起黎都好方便，豬手皮都好脆，肉又夠嫩而且唔算肥，雖然有醬汁跟，但係唔點都已經好夠味啦，加上唔點醬先至食到肉既鮮味，不用點醬都已
我地今次點左2個小食，1個Main Course 同一個甜品。
焦糖單骨雞翼: 呢個真係小食既首選，懶人同怕多骨既朋友一定會鍾意，單骨雞翼係超正架，仲好方便食，一條骨放入口， 好容易就食到D肉，雞翼既皮煎得幾脆，上面佈滿焦糖同蜜糖，味道香脆可口，亦都唔會炸得過乾。
特色粟米薄脆 (Nachos): 呢個小食絕對係吹水時必食架， 大大碟既墨西哥薄脆片，上面加左酸忌廉，牛油果醬， 酸瓜粒同蕃茄粒，非常搭配，咸中帶點清新嘅酸味，味道又清新又好味。粟米片好脆口，配上既醬料好夠夾，份量又多，好似食極都仲有，食極都食唔完咁，唯一美中不足既係D 醬料唔夠多，加多少少會更加好。
香脆咸豬手: 呢個咸豬手好似好出名咁，見好多檯都有叫，可惜等候需時，不過值得一讚既係上菜時D咸豬手已經切好，食起黎都好方便，豬手皮都好脆，肉又夠嫩而且唔算肥，雖然有醬汁跟，但係唔點都已經好夠味啦，加上唔點醬先至食到肉既鮮味，不用點醬都已經很夠味了。至於份量方面，係絕對夠2-3個人享用既。
奧利朱古力布朗尼窩夫配雪榚 (半份): 對於好多女仔黎講，甜品先係一餐飯既主角，呢到既甜品有好多款式，不過大部分都係窩夫，我地叫左半份奧利朱古力布朗尼窩夫配雪榚，估唔到半份都幾大份。窩夫蛋味濃郁，脆卜卜咁，好好味，至於雪榚口感creamy，朱古力味又唔會太濃，最欣賞既係插係雪糕上面既杏仁脆片，口感香脆，配埋雪榚一齊食味道真係好夾。至於朱古力布朗尼，大約有5-6小粒，朱古力味都好香濃，口感都幾軟身。除左布朗尼同雪榚之外，仲有Cream 同埋吉士醬係旁邊襯托，成個甜品不論賣相同味道都相當吸引。
呢間Espuma帶俾人一種好休閒既感覺， 食物款式都算多，同三五知己一齊黎食野傾計真係唔錯!!
Post
